२१ भदौ / अर्थ र व्यापार – एनआइसी एशिया बैंकले ग्राहकहरुले अत्याधिक रुचाएको भन्दै सेयर धितो कर्जा पुनः शुरु गरेको छ । सरल कर्जा प्रक्रिया, न्यूनतम कागजी आवश्यकता तथा २ कार्यदिन मै कर्जा प्रवाह गर्ने व्यवस्था सहित बैंकले सेयर धितो कर्जा पुनः शुरु गरेको हो ।

बैंकको सम्पूर्ण १ सय २० शाखाहरुबाट यो कर्जा उपलब्ध हुनेछ । यस कर्जा अन्तर्गत गाहकहरुले न्यूनतम रु २५ लाखदेखि अधिकतम रु १० करोड सम्म आफूसँग रहेको सेयर धितो राखेर कर्जा उपभोग गर्न सक्नेछन् । नेपाल स्टक एक्सचेन्जमा सूचिकृत साधारण तथा संस्थापक सेयर धितो राखी कर्जा उपलब्ध गराईनेछ ।