२ असोज / अर्थ र व्यापार – एनआईबिएल क्यापिटलले ९७.०४४३ प्रतिशत बोनस सेयर वितरण गर्ने प्रस्ताव सहित असोज २४ गते पाँचौ बार्षिक साधारणसभा बोलाएको छ । उता एस क्यापिटलले पनि असोज २४ गतेका लागि साधारण सभा बोलाएको छ । क्यापिटलले हाल कायम चुक्ता पूँजीको ५२ प्रतिशत नगद लाभांस बितरण गर्ने प्रस्ताव साधारण सभामा लैजाँदैछ ।

एनआईबिएल क्यापिटलले आफ्नै सभाहल लाजिम्पाटमा विहान १० बजे साधारणा सभा बोलाएको हो । सभामा कम्पनीको चुक्ता पूँजी १० करोड १५ लाख रुपैयाँको ९७ प्रतिशतले हुन आउने ९ करोड ८५ लाख रुपैयाँको बोनस सेयर तथा २५ प्रतिशतले हुन आउने २ करोड ५३ लाख ७५ हजार रुपैयाँ (बोनसमा लाग्ने कर सहित)  नगद लाभांश वितरण गर्ने प्रस्ताव छ ।

त्यस्तै इन्भेष्टमेन्ट बैंकले एस डेभलपमेन्ट बैंकलाई प्राप्ती गरेकाले सहायक कम्पनी एस क्यापिटल समेत इन्भेष्मेन्ट बैंकको सहायक कम्पनीको रुपमा परिणत भइसकेकाले एनआईबिएल क्यापिटल र एस क्यापिटललाई एक आपसमा गाभ्ने गाभिने प्रकृयालाई अगाडि बढाउन सञ्चालक समितिलाई अख्तियारी प्रदान गर्ने लगायतका प्रस्ताव रहेका छन् ।