साउन २७ गतेबाट नेपाल हाइड्रोको सेयर जारी हुने
१८ साउन / अर्थ र व्यापार – नेपाल हाइड्रो डेभलपर लिमिटेडले साउन २७ गतेबाट सर्वसाधारणको लागि सेयर जारी गर्ने भएको छ । कम्पनीले १ सय रुपैयाँका ३ लाख ९० हजार कित्ता सेयर जारी गर्न लागेको हो । यसमध्ये कम्पनीका कर्मचारीको लागि ७ हजार ८ सय कित्ता र सामूहिक लगानी कोषहरुको लागि १९ हजार ५ सय कित्ता सेयर छुट्याइएको छ ।
कम्पनीको सेयर चाँडोमा ३२ गते र ढिलोमा भदौं २५ गतेसम्म खुला रहनेछ । कम्पनीको सेयरमा ५० कित्ता देखि १ हजार कित्तासम्मको लागि आवेदन दिन सकिनेछ । कम्पनीले स्थानीयको लागि यसअघि नै सेयर जारी गरिसकेको छ । सेयर जारीसँगै कम्पनीको चुक्ता पुँजी २६ करोड रुपैयाँ पुग्नेछ । कम्पनीको सेयर बिक्री प्रबन्धकमा एनएमबी क्यापिटल रहेको छ ।
कम्पनीको ३.५२ मेगावाटको चर्नावती जलविद्युत आयोजना सञ्चालनमा रहेको छ । कुल ६७ करोडमा निर्माण भएको यस योजनाको लागत प्रति मेगावाट १९ करोड रहेको छ । कम्पनीको प्रवद्र्धकहरुमा व्यवसायी ज्ञानेन्द्र लाल प्रधान र पशुपती मुरारका रहेका छन् ।
कम्पनीले गत चैतसम्ममा विद्युत बिक्रीबाट ८ करोड ३३ लाख रुपैयाँ आम्दानी गरेको छ । आव २०७३÷७४ मा प्रतिसेयर आम्दानी ८ रुपैयाँ, प्रतिसेयर नेटवर्थ १ सय रुपैयाँ हुने प्रक्षेपण गरिएको छ । कम्पनीको सेयरलाई इक्रा नेपालले ग्रेड ४ रेटिङ दिएको छ । यसले कम्पनीको समग्रमा आधारभुत पक्ष औसतभन्दा कमजोर रहेको संकेत गर्छ ।
सम्बन्धित शीर्षकहरु
मुख्य खबर
निगमले सिनामंगलस्थित हवाइ इन्धन डिपो गुहेश्वरीमा स्थानान्तरण गर्ने
नेपाल आयल निगमले त्रिभुवन अन्तर्राष्ट्रिय विमानस्थल परिसर सिनामंगलबाट करिब ५० वर्ष पुरानो हवाई इन्धन डिपो स्थानान्तरण गर्ने भएको छ । त्यहाँबाट सारिएको सो डिपो काठमाडौको गुहेश्वरीतर्फ निर्माण हुने छ ।
विकास र लगानीलाई रोक्नु समृद्धि र प्रगतिलाई अवरुद्ध गर्नु हो : अध्यक्ष ढकाल
नेपाल उद्योग वाणिज्य महासंघका अध्यक्ष चन्द्रप्रसाद ढकालले विकास र लगानीलाई रोकेर मुलुकको आर्थिक समृद्धि र प्रगतिलाई अवरुद्ध पार्दा हाम्रो पुस्ता मात्र नभएर भावि पुस्तालाई समेत गरिबी र अभावको दुस्चक्रमा पार्ने बताएका छन्
अब श्रम स्वीकृति लिएका नेपालीलाई भारतको बाटो हुँदै जाँदा एनओसी नचाँहिने
वैधानिक रुपमा श्रम स्वीकृति भएका नेपाली नागरिकहरूलाई भारतको विमानस्थल हुँदै श्रम गन्तव्य मुलुक जानका लागि अब नो अब्जेक्सन सर्टिफिकेट (एनओसी) नचाँहिने व्यवस्था लागु गरिएको छ ।
एनआरएनए ग्लोबल कन्केभ र वार्षिक साधरणसभा , एनआरएनएमा कुनै राजनीतिक हस्तक्षेप हुँदैन: प्रधानमन्त्री
रुपान्तरण र एकताः श्रम, लगानी र नागरिकताको निरन्तरता भन्ने मुख्य विषयमा केन्द्रित रही काठमाडौंमा एनआरएनए ग्लोबल कन्केभ तथा वार्षिक साधरणसभा शुरु भएको छ ।
मनोरञ्जन
नयाँ रियालिटी शो ‘एक्टिङ स्टार’को डिजिटल अडिसन खुल्ला
अभिनयमा रुची राख्नेहरुका लागि नयाँ रियालिटी शो ‘एक्टिङ स्टार’को घोषणा भएको छ । आगामी १ भदौ देखि एक महिनासम्मको लागि डिजिटल अडिसन खुल्ला गरिएको छ ।
१० करोड रुपैयाँ लगानीको दीपक र दीपाको सिनेमा हल संचालनमा
कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।
पाण्डेको ‘सहायक श्रीमान’लाई अमेरिकामा उत्कृष्ट अन्तर्राष्ट्रिय डकुमेन्ट्री अवार्ड
नेपालका कतिपय हिमाली क्षेत्रमा विद्यमान बहुपति प्रथाका बारेमा निर्मित वृत्तचित्र ‘सहायक श्रीमान’ (को–हजबेन्ड)ले आठौं कब इन्टरनेसनल फिल्म फेस्टिवलमा उत्कृष्ट उपाधि जितेको छ ।
तपाईको प्रतिक्रिया