२० माघ /अर्थ र व्यापार - नेपाल बैंकर्स संघको आइतबार बसेको बैठकले निक्षेप नविकरण गर्दा बढी ब्याज दिन पाउने समहति गरेको छ । गत साता सनराइज र एनसीसी बैंकले बैंकर्स संघले गरेको भद्र सहमति तोडेर ९.६५ प्रतिशत ब्याज दिएर नेपाल टेलिकमको निक्षेप नबीकरण गराएका थिए ।

बैंकर्स संघको भद्र सहमति अनुसार संस्थागत निक्षेपकर्तालाई ९.५० प्रतिशतभन्दा बढी ब्याज दिन पाइँदैन । सेञ्चुरी बैंकले नयाँ संस्थागत निक्षेपमा ९.९९ प्रतिशत ब्याज दिने स्किम ल्याएको थियो ।

बैंकर्स संघका अध्यक्ष ढुंगानाले सेञ्चुरीलाई कारबाही गर्ने भन्दै बैंकरहरुलाई भनेका थिए । तर, बैंकरहरुले नै बैंकर्स संघ कारबाही गर्ने निकाय नभएको बताएपछि संघ सेञ्चुरीलाई कारबाही गर्नबाट पछि हटेको हो ।

संघका अध्यक्ष ज्ञानेन्द्र ढुंगानाका अनुसार पूरानो भद्र सहमतिलाई सबैले पालना गरेर अघि बढ्ने भन्ने विषयमा छलफल भएको छ ।