२९ असार / अर्थ  र व्यापार – एनआईसी एशिया बैंकले आफ्नो सेवाको २० औं वर्ष प्रवेश गर्न लागेको अवसरमा चलचित्र क्षेत्रमा समर्पित राष्ट्रिय तथा अन्तर्रा्ष्ट्रिय चलचित्र क्षेत्रकी सफल नायिका मनीषा कोईरालालाई आफ्नो ब्राण्ड एम्बासडर नियुक्त गरेको छ ।

बुधबार काठमाडौंमा आयोजित कार्यक्रममा कोइरालालाई आगामी दुई वर्षका लागि ब्राण्ड एम्बासडर नियुक्त गर्ने सम्झौतामा हस्ताक्षर भएको छ । हाल यस बैंकको अधिराज्यभर १ सय १७ शाखा कार्यालयहरु सञ्चालनमा रहेको छ । बैंंकको तेस्रो त्रैमासको रिपोर्ट अनुसार बैंकको चुक्ता पुँजीमा ६ अर्ब ३५ करोड रुपैयाँ पुगेको छ ।

बैंकको निक्षेप ७८ अर्ब ९९ करोड र ६७ अर्ब २५ करोड कर्जा लगानी भएको छ । बैंकको पुँजी लागत बढेर ५.२९ प्रतिशत पुगेको छ ।

नेपालका दुर्गम तथा ग्रामीण क्षेत्रहरुमा समेत अफ्नो सशक्त पहुँच पुर्याउँदै सम्पूर्ण ग्राहकमा सर्वोत्कृष्ट सेवा तथा प्रतिफल प्रदान गरी बैंकिङ्ग क्षेत्रको इतिहासमा पृथक पहिचान स्थापित गर्न सफल एनआईसी एशिया बैंक र करिब तीन दशकसम्मको लामो कलाकारिता यात्रामार्फत् ख्याती आर्जन गरेकी नायिका कोइरालाबीचको सहकार्यले बैंकको व्यबसाय र सेवा प्रर्बद्धनमा सहयोग पुग्ने बैंकले अपेक्षा गरेको छ ।