माछापुच्छ्रे र सिटिजन्स बैंकको व्याज खर्चको तुलनामा व्याज आम्दानीमा उल्लेख्य सुधार
८ बैशाख /अर्थ र व्यापार - माछापुच्छ्रे बैंकले नौं महिनामा ४२.१५ प्रतिशतले बढाएर एक अर्ब २४ करोड रुपैयाँ नाफा गरेको छ । त्यसैगरि सिटिजन्स बैंकको पनि ३५ प्रतिशतले सुधार गरेर नाफा एक अर्ब ६ करोड रुपैयाँ पुर्याएको छ । माछापुच्छ्रे बैंकले व्याज खर्चको तुलनामा व्याज आम्दानी सुधार गर्दा खुद व्याज आम्दानी समेत ४१.०१ प्रतिशतले बृद्धि गरेको छ । बैंकले खुद व्याज आम्दानी दुई अर्ब ६० करोड रुपैयाँ आर्जन गरेको हो । बैंक निक्षेप संकलनभन्दा कर्जा विस्तारमा आक्रामक देखिएको छ । बैंकले निक्षेप संकलन १८ प्रतिशतले सुधार गर्दा कर्जा विस्तार भने २२.९६ प्रतिशतले गरेको छ ।
बैंकले चैत्र मसान्तसम्ममा ८१ अर्ब १६ करोड रुपैयाँ निक्षेप संकलन गरि ७७ अर्ब ३० करोड रुपैयाँ ऋण लगानी गरेको छ । कर्जा विस्तारसँगै बैंकको पूँजी कोष अनुपात ३.०९ प्रतिशत विन्दुले घटेर १२.६३ प्रतिशत कायम भएको छ । खराव कर्जा भने ०.१३ प्रतिशत विन्दुले बढेर ०.४८ प्रतिशत पुगेको छ । नाफामा सुधार आएसँगै प्रतिशेयर आम्दानी ६ रुपैयाँले बढेर २० रुपैयाँ कायम भएको छ । गत वर्ष जम्मा १४ रुपैयाँ मात्रै थियो । आधार व्याजदर पनि ०.५८ प्रतिशतले घटेर १०.५२ प्रतिशतमा झरेको छ ।
३५ प्रतिशतले नाफा बढाएको सिटिजन्सले व्याज खर्चको तुलनामा व्याज आम्दानीमा उल्लेख्य सुधार गरेर खुद व्याज आम्दानी ३६.९८ प्रतिशतले बढाएको हो । चैत्रसम्ममा खुद व्याज आम्दानी दुई अर्ब ८ करोड रुपैयाँ आर्जन भएको छ । सिटिजन्सको पनि निक्षेप संकलनभन्दा कर्जा विस्तारको अनुपात धेरै रहेको छ । बैंकको निक्षेप संकलन १८ प्रतिशतले बृद्धि हुँदा कर्जा विस्तार भने २२ प्रतिशतले बढेको छ । ९ महिनाको अवधिमा बैंकले ६५ अर्ब ९२ करोड रुपैयाँ निक्षेप संकलन गरि ६२ अर्ब ६९ करोड रुपैयाँ ऋण लगानी गरेको छ ।
कर्जा विस्तारसँगै पूँजी कोष अनुपात २.१४ प्रतिशतले खुम्चिएको छ । खराव कर्जा थप ०.१२ प्रतिशतले बढेर १.५८ प्रतिशत पुगेको छ । आधार व्याजदर ०.५७ प्रतिशत विन्दुले घटेर १०.५८ प्रति कायम भएको छ । नाफामा सुधार आएसँगै चुक्ता पूँजी बृद्धिपछि बैंकको प्रति शेयर आम्दानी ३.९८ रुपैयाँले बढेर १७ रुपैयाँ पुगेको छ ।
सम्बन्धित शीर्षकहरु
मुख्य खबर
तीनकुनेमा राजावादीको प्रदर्शन: प्रहरी र प्रदर्शनकारीबीच झडप, क्षणभरमै रणमैदान
काठमाडौंको तीनकुने क्षेत्रमा राजावादीहरूले तोकिएको घेरा तोड्न खोजेपछि प्रदर्शनकारी र प्रहरीबीच झडप भएको छ । अवस्था तनावग्रस्त भएको छ ।
नेपालको गरिबी निवारणमा रेमिट्यान्सको भूमिका महत्वपूर्ण : विश्व बैंक
विश्व बैंकले नेपालको गरिबी निवारणमा रेमिट्यान्सको भूमिका महत्वपूर्ण रहेको जनाएको छ । यसैगरी, विश्व बैंकले नेपालले चरम गरिबी लगभग निवारण गरेको र गरिबी न्यूनीकरणमा उल्लेखनीय सफलता हासिल गरेको बताएको छ ।
सरकारले संसदमा दर्ता गर्यो सामाजिक सञ्जालसम्बन्धी विधेयक
सरकारले सामाजिक सञ्जालसम्बन्धी विधेयक संसदमा दर्ता गराएको छ । राष्ट्रिय सभामा सरकारका प्रवक्ता एवं सञ्चार तथा सूचना प्रविधिमन्त्री पृथ्वीसुब्बा गुरुङले सो विधेयक संसदुमा दर्ता गराएका हुन् ।
स्वदेशी र विदेशी पर्यटकको आकर्षक गन्तव्य बन्दै रिभरफन बिच रिसोर्ट
चितवनको कुरिनघाटस्थित रिभरफन बिच रिसोर्टमा लगानी थपेर क्षमता विस्तार गरिएपछि रिसोर्ट एजुकेशन र एड्भेञ्चर हवको रुपमा विकास भएको छ । रिभरफन बिच रिसोर्ट, काठमाडौंवाट ९९ किलोमिटर दुरीमा
मनोरञ्जन
रियालिटी शो ‘एक्टिङ स्टार’ कलाकार बन्ने र सिनेमा खेल्ने अवसर
रियालिटी शो ‘एक्टिङ स्टार’को केहि महिना अघि डिजिटल अडिसनको आव्हान गरिएको थियो । डिजिटल अडिसन मार्फत हालसम्म कलाकार बन्न चाहने ५०० भन्दा बढीले भिडियो खिचेर पठाएको कार्यक्रम निर्माण कम्पनी महक मिडिया नेटवर्कले जानकारी गराएको छ ।
नयाँ रियालिटी शो ‘एक्टिङ स्टार’को डिजिटल अडिसन खुल्ला
अभिनयमा रुची राख्नेहरुका लागि नयाँ रियालिटी शो ‘एक्टिङ स्टार’को घोषणा भएको छ । आगामी १ भदौ देखि एक महिनासम्मको लागि डिजिटल अडिसन खुल्ला गरिएको छ ।
१० करोड रुपैयाँ लगानीको दीपक र दीपाको सिनेमा हल संचालनमा
कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।
तपाईको प्रतिक्रिया