२८ मंसिर/ अर्थ र व्यापार - माछापुच्छ्रे बैंकले पुस २० गते बार्षिक साधारणसभा गर्ने भएको छ । बैंकले साधारणसभाबाट सञ्चालक समितिले घोषणा गरेको १० प्रतिशत नगद लाभांस र संस्थापक शेयरधनीहरुको तर्फबाट तीन जना सञ्चालकको निर्वाचन गर्ने भएको छ । 

साधारणसभामा माछापुच्छ्रे बैंक र अन्य उपयुक्त बैंक एक आपसमा गाभ्ने गाभिने वा रणनीतिक साझेदार भित्र्याउने सम्बन्धमा आवस्यक प्रकृया अगाडि बढाउन सञ्चालक समितिलाई अख्तियारी दिने विशेष प्रस्ताव गरेको छ । यसका साथै प्रचलित कानुन बमोजिम बैंकले सहायक कम्पनी खोलेर जीवन बीमा, निर्जीवन बीमा, भेञ्चर क्यापिटल, हेज फण्ड, क्रेडिट रेटिङ, धितोपत्र बजार, स्टक एक्सचेन्ज, मर्चेन्ट बैंकको सेवा दिने विषयमा आवस्यक प्रकृया पुरा गर्नेको लागि पनि सञ्चालक समितिलाई अख्तियारी दिने विशेष प्रस्ताव गरेको छ ।

सञ्चालक समितिको अध्यक्ष र सदस्यको बैंठक भत्ता क्रमश १५ हजार रुपैयाँ र १२ हजार रुपैयाँ कायम गर्ने भएको छ । साधारणसभा प्रयोजनको लागि बैंकले पुष ६ गते बुक क्लोज गर्ने भएको छ । पुष ५ गतेसम्म कायम शेयरधनीहरुले १० प्रतिशत नगद लाभांस पाउनेछन् । त्यस्तै मिर्मिरे लघुवित्त वित्तीय संस्थाले पुस २१ गते बार्षिक साधारणसभा डाकेको छ । साधारणसभाबाट सञ्चालक समितिले यस अगाडि घोषणा गरेको २४ प्रतिशत बोनस शेयर पारित गर्नेछ । संस्थाले बोनस शेयरपछि कायम हुने शेयर पूँजीको ५० प्रतिशत हकप्रद शेयर निष्काशन गर्ने विशेष प्रस्ताव गरेको छ । 

संस्थाको हालको चुक्ता पूँजी १० करोड ३८ लाख रुपैयाँ रहेको छ । बोनस शेयरपछि १२ करोड ८७ लाख रुपैयाँ पुग्नेछ । साथै हकप्रद शेयर निष्काशन पस्चात १९ करोड ३१ लाख रुपैयाँ पुर्याउने भएको हो ।