८ असार / अर्थ र व्यापार - एनआइसी एसिया बैंकमा कर्जाका लागि आवेदन दिएका ग्राहकहरुले अब आफ्नो आवेदनको अपडेट चाहेको बेलामा लिन सक्ने भएका छन । जसका लागि बैंकले कस्टमर रिटेल ट्रयाकिङ सिस्टमको सुरुवात गरेको छ ।

बैंकले आफ्ना ग्राहकहरुलाई सहज रुपले उत्कृष्ट सेवा प्रदान गर्ने उदेश्यले प्रविधिको उच्चतम प्रयोग गर्दै कर्जा स्वीकृतका हरेक चरणको अपडेट हेर्न मिल्ने गरि ““Customer Retail Loan Tracking System –CRLTS_”” को सुरुवात गरेकोे छ।

सिआरएलटिएस द्वारा उच्चतम प्रविधिको प्रयोग गर्दै, बैंकले एसएमएस मार्फत सम्पूर्ण रिटेल कर्जाका आवेदकहरुलाई आफ्नो कर्जा निवेदनको अवस्थाबारे जानकारी दिने छ । यस प्रविधिको प्रयोग मार्फत ग्राहकले बैंकको कर्जा निवेदन प्राप्त गर्ने देखि कर्जा रकम ग्राहकको खातामा भुक्तानी गर्ने सम्मको चरणहरुबारे जानकारी पाउनेछन् ।

ग्राहकले बैंकको आधिकारिक वेबसाइट मार्फत निवेदन नम्बर र मोबाईल नम्बरका आधारमा कर्जा निवेदनको प्रगति हेर्न सक्नेछन् । यो सेवा बैंकको हालको सम्पूर्ण ११७ शाखाहरुबाट उपयोग गर्न सकिने छ ।