१९ असार / अर्थ र व्यापार – कन्काई विकास बैंकको नेपाल स्टक एक्सचेञ्ज (नेप्से) मा सोमबार सेयरमूल्य समायोजन भएको छ । बैंकले जारी गर्न लागेको २१४ प्रतिशत हकप्रदपछि बैंकको सेयरमूल्य समायोजन भएको हो ।
बैंकको २११४ प्रतिशत हकप्रदलाई समायोजन गर्दा बैंकको मूल्य २३१ रुपैयाँ निर्धारण हुन आएको छ । यसअनुसार बैंकको सेयर कारोबार सोमबार २१३ रुपैयाँबाट सुरु भएको छ । नेप्सेले बैंकको १८० दिनको सेयर कारोबारको आधारमा औसत आधार मूल्य २९९ रुपैयाँँ निर्धारण भएको छ ।
कन्काईले धितोपत्र बोर्डबाट एक बराबर दुई दशमलव १४ कित्ताको अनुपातमा हकप्रद बिक्री गर्न अनुमति पाइसकेको छ । बैंकको हकप्रद निष्काशनको काम सिद्धार्थ क्यापिटलले गर्नेछ भने बैंकको हकप्रदमा असार १८ गते आइतबारसम्म कायम रहेका सेयरधनीले मात्र आवेदन दिन पाउनेछन् ।
हाल १५ करोड रुपैयाँ चुक्ता पूँजी रहेको बैंकको हकप्रद विक्री पश्चात ४७ करोड १० लाख रुपैयाँ चुक्ता पूँजी पुग्नेछ । बैंकले चालु आर्थिक वर्षको तेस्रो त्रैमास सम्ममा तीन करोड १४ लाख रुपैयाँ खुद नाफा कमाएर प्रतिसेयर आम्दानी बार्षिक २० रुपैयाँ ९७ पैसा कायम गरेको छ ।
तपाईको प्रतिक्रिया