२२ साउन / अर्थ र व्यापार – कामना विकास बैंक र सेवा विकास बैंकले एकापसमा मर्ज भएर साउन २० गतेदेखि एकिकृत कारोबार शुभारम्भ गरेका छन । कामना सेवा विकास बैंकको नामबाट कारोबार शुभारम्भ भएको हो । एकिकृत कारोबार पछि बैंकको चुक्ता पूँजी रु. २ अर्व ६ करोड पुगेको छ यसैगरि निक्षेप रु. १२ अर्व ६० करोड, कर्जा रु. ११ अर्व ५१ करोड, शाखा संजाल ४० एटिएम संख्या १६ र ग्राहक संख्या १ लाख ७१ हजार, कर्मचारी संख्या ३ सय ३१ जना रहेको छ ।

बैंकले आगामी २ वर्ष भित्र देश भर शाखा कार्यालय विस्तार गर्ने र तत्कालै काठमाडौं, ज्ञानेश्वर स्थित आफ्नै भवनबाट अत्याधुनिक सुविधा सहितको बैकिङ्ग सेवा समेत प्रदान गर्ने गरी केन्द्रीय कार्यालय स्थानान्तरण गर्ने भएको छ । राष्ट्र बैंकको मर्जर नीतिको कारण गत आसार २० गते सम्म १ सय ५५ बटा संस्था मर्ज भएर ४३ वटामा सिमित भएको छ । सो क्रममा १ सय १२ वटा संस्था विलय भएको छ ।

एकिकृत कारोबार शुभारम्भ समारोहमा बैंकले आफनो सामाजिक उत्तरदायित्व अन्र्तगतका विभिन्न कार्यक्रमहरुको फेरिहस्त प्रस्तुत गरेको थियो । बैंकले विभिन्न क्षेत्रमा ७ लाख ७५ हजार बराबरको सहयोग गरेको छ ।