१८ जेठ/ अर्थ र व्यापार- ज्योति विकास बैंकले सुनसरीको झुम्का, सुर्खेतको बीरेन्द्रनगर तथा दाङको घोराहीमा गरी एकै दिन ३ नयां शाखाहरु स्थापना गरेको छ । ३० औं शाखा सुनसरीको झुम्कामा नेपाल राष्ट्र बैंक बिराटनगरका निर्देशक रामु पौडेल र उद्योग बाणिज्य संघ झुम्काका अध्यक्ष सगेन चौधरीले संयुक्त रुपमा उद्घाटन गरे ।
त्यस्तै ३१ औं शाखा सुर्खेतको बीरेन्द्रनगरमा उद्योग बाणिज्य संघ सुुर्खेतका अध्यक्ष प्रकाश अधिकारी र बैंकका संचालक जगदिश्वर प्रसाद अधिकारीले संयुक्त रुपमा उद्घाटन गरे । त्यसैगरी ३२ औं शाखा दाङको घोराहीमा नेपाल राष्ट्र बैंक नेपालगञ्जका निर्देशक गुरु प्रसाद पौडेल, उद्योग बाणिज्य संघ दाङका अध्यक्ष हेमराज बन्जाडे र बैंकका संचालक नारायण प्रसाद पौडेलले संयुक्त रुपमा गरे ।
बैंकको यि तीन शाखाहरु सहित ३२ शाखा, एउटा एक्टेन्शन काउन्टर तथा १२ वटा एटिएम पुगेको छ । छिट्टै थप शाखाहरु मार्फत आफ्नो सञ्जाल देशव्यापी बनाउने लक्ष्य बैंकले लिएको छ । बैंकको हालको चुक्ता पुंजी रु.१ अर्ब १० करोड ४३ लाख रहेको छ भने १ः१ को हकप्रद शेयर जारी गरिरहेकोे छ । यस अघि झिमरुक विकास बैंकसंग मर्जर प्रक्रिया सम्पन्न गरी गत साउन २८ बाट एकिकृत रुपमा कार्य संचालन गरी सकेको छ । त्यस्तै, राप्ती भेरी विकास बैंकलाई प्राप्तीको प्रक्रियामा छ । यसरी राष्ट्रिय स्तरको विकास बैंकलाई चाहिने चुक्ता पुंजी रु २ अर्ब ५० करोड सहजै पु¥याउने योजनामा अघि बढिरहेको छ ।
तपाईको प्रतिक्रिया