९ असार / अर्थ र व्यापार – जेविल्स फाईनान्स कम्पनीले असार २३ गते कालिमाटी ब्यांक्वेटमा दिउँसो १२–१५ बजे विशेष साधारण बोलाएको छ । सो सभामा सातौं वार्षिक साधारण सभाले पारित गरेको शतप्रतिशत हकप्रदपछि कायम हुने पूँजीमा फेरी ४० प्रतिशत हकप्रद जारी गर्ने प्रस्ताव लैजाँदैछ । 

फाईनान्सले शतप्रतिशत हकप्रद जारीपछि कायम हुने चुक्ता पूँजी ५७ करोड ७९ लाख १२ हजार पाँच सय रुपैयाँको फेरी ४० प्रतिशत अर्थात २३ करोड ११ लाख ६द्ध हजार रुपैयाँ बराबरको हकप्रद जारी गर्ने विशेष प्रस्ताव पारित गर्न लागेको हो । फाईनान्सले शतप्रतिशत हकप्रद निष्कासन गर्न धितोपत्र बोर्डमा निवेदन दिईसकेको छ ।

त्यस्तै अन्य उपयुक्त बैंक तथा वित्तीय संस्था गाभ्ने, गाभिने प्रयोजनका लागि सम्पूर्ण अख्तियारी सञ्चालक समितिलाई दिने तथा आवश्यक विघान संसोधनका लागि अधिकार प्रत्यायोजन गर्ने लगायतका प्रस्ताव रहेको छ । 

यसअनुसार विशेष साधारणसभामा असार ११ गतेसम्म कायम सेयरधनीले मात्र भाग लिन पाउनेछन् । २८ करोड ८९ लाख ५६ हजार रुपैयाँ चुक्ता पूँजी रहेको फाईनान्स कम्पनीले चालु आर्थिक बर्षको तेस्रो तैमासमा एक करोड ९४ लाख रुपैयाँ खुद नाफा कमाएर प्रतिसेयर आम्दानी ६.७२ रुपैयाँ कायम गरेको छ ।