२९ जेठ / अर्थ र व्यापार-ग्राहकलाई चुस्त र सहज सेवा दिन बीमा कप्पनीहरुलाई बीमा समितिका अध्यक्ष चिरञ्जिबी चापागाईले निर्देशन दिएका छन । सो निर्देशन एनबी ईन्स्योरेन्सले ललितपुरकोे जावलाखेलमा संचालनमा ल्याएको शाखाको उद्घाटन गर्दे चापागाईले दिएका हुन ।

सबैले आ आफनो चल, अचल सम्पत्तीको बीमा गरेर ढुक्क भएर व्यापार व्यसाय विस्तार गर्न पाउनुपर्छ । एनबी ईन्स्योरेन्सले छोटो समयमानै आफ्नो साखा स्थापित गर्न सफल भएको छ ।

सोही अवसरमा एनबी ईन्स्योरेन्सले बीमा क्षेत्रमा आफ्नो पहिचान स्थापित गर्दै देशभरीनै शाखा सञ्जाल विस्तार गरी ग्राहक महानुभावहरुलाई सरल, छिटो तथा विश्वसनिय सेवा प्रदान गर्न कम्पनी प्रतिबद्ध गरे । 

उक्त कार्यक्रमले चालु आ.ब. को तेश्रो त्रेमाससम्ममा ४९ कारोड बीमा शुल्क आर्जन गरी ६ करोड २० लाख खुद मुनाफा आर्जन गरेको र हालसम्म करिब ६० करोड बीमा शुल्क आर्जन गरेको जानकारी पनि दिए ।

इन्स्योरेन्सले आगामी असार ५ गतेदेखि एक बराबर एक अर्थात शतप्रतिशत हकप्रद सेयर जारी गर्ने भएको छ । हाल कम्पनीको चुक्ता पूँजी २७ करोड रुपैयाँ रहेको छ । शतप्रतिशत हकप्रद जारी गरेपछि कम्पनीको चुक्ता पूँजी ५४ करोड रुपैंयाँ पुग्नेछ ।