खर्च बढ्दा कामना सेवाको नाफा प्रभावित, वितरण योग्य मुनाफा साढे ६ करोड
१३ माघ / अर्थ र व्यापार - कामना सेवा विकास बैंक लिमिटेडले चालु आर्थिक वर्षको दोस्रो त्रैमाससम्ममा १४ करोड ८५ लाख १९ हजार रुपैयाँ खुद नाफा आर्जन गरेको छ। यो गत आर्थिक वर्षको सोही अवधिको तुलनामा ७.४९ प्रतिशत बढी हो।
समीक्षा अवधिमा बैंकको खुद ब्याज आम्दानीमा उल्लेख्य सुधार भएपनि इम्पेरमेन्ट चार्ज, कर्मचारी खर्च र अन्य सञ्चालन खर्च बढेका कारण खुद नाफा प्रभावित भएको हो।
चालु आर्थिक वर्षको पुस मसान्तसम्ममा बैंकले ५७ करोड ४१ लाख खुद ब्याज आम्दानी गरेको छ। जुन गत आर्थिक वर्षको सोही अवधिको तुलनामा ५१.१४ प्रतिशत बढी हो। समीक्षा अवधिमा बैंकको कर्मचारी खर्च ८०.९४ प्रतिशत बढेको छ भने अन्य सञ्चालन खर्च ११९.६४ प्रतिशत बढेको छ।
त्यसैगरी, गत आर्थिक वर्षको दोस्रो त्रैमासको अन्त्यसम्ममा ४ करोड ९९ लाख रुपैयाँ रहेको यस बैंकको इम्पेरमेन्ट चार्ज चालु आवको सोही अवधिमा बढेर ९ करोड ३५ लाख पुगेको छ। यसले गर्दा बैंकको सञ्चालन मुनाफा प्रभावित भई खुद नाफा वृद्धिदर खुम्चिन पुगेको हो।
समीक्षा अवधिमा बैंकको सञ्चालन मुनाफा ७.२४ प्रतिशत बढेर २१ करोड ११ लाख पुगेको छ।
२ अर्ब ५४ करोड चुक्ता पूँजी रहेको यस बैंकको जगेडा कोषमा ५९ करोड ६ लाख रुपैयाँ सञ्चित छ भने शेयरधनी कोषमा ९ करोड ५२ लाख रुपैयाँ सञ्चित छ। पुस मसान्तसम्ममा बैंकको वितरण योग्य मुनाफा ६ करोड ५५ लाख रुपैयाँ रहेको छ।
सो अवधिसम्ममा बैंकले २७ अर्ब ४३ करोड ७२ लाख निक्षेप सङ्कलन गरी २३ अर्ब ४८ करोड १२ लाख रुपैयाँ कर्जा परिचालन गरेको छ। बैंकको निष्क्रिय कर्जा भने गत आर्थिक वर्षको पुस मसान्तको तुलनामा ०.३ प्रतिशतविन्दु घटेर १.३७ प्रतिशतमा सीमित भएको छ।
पुस मसान्तसम्मममा बैंकको प्रतिशेयर आम्दानी ११ रुपैयाँ ६९ पैसा र प्रतिशेयर नेटवर्थ १२७ रुपैयाँ कायम भएको छ। त्यसैगरी, बैंकको मूल्य आम्दानी अनुपात १२.३१ गुणा कायम भएको छ।
सम्बन्धित शीर्षकहरु
मुख्य खबर
निगमले सिनामंगलस्थित हवाइ इन्धन डिपो गुहेश्वरीमा स्थानान्तरण गर्ने
नेपाल आयल निगमले त्रिभुवन अन्तर्राष्ट्रिय विमानस्थल परिसर सिनामंगलबाट करिब ५० वर्ष पुरानो हवाई इन्धन डिपो स्थानान्तरण गर्ने भएको छ । त्यहाँबाट सारिएको सो डिपो काठमाडौको गुहेश्वरीतर्फ निर्माण हुने छ ।
विकास र लगानीलाई रोक्नु समृद्धि र प्रगतिलाई अवरुद्ध गर्नु हो : अध्यक्ष ढकाल
नेपाल उद्योग वाणिज्य महासंघका अध्यक्ष चन्द्रप्रसाद ढकालले विकास र लगानीलाई रोकेर मुलुकको आर्थिक समृद्धि र प्रगतिलाई अवरुद्ध पार्दा हाम्रो पुस्ता मात्र नभएर भावि पुस्तालाई समेत गरिबी र अभावको दुस्चक्रमा पार्ने बताएका छन्
अब श्रम स्वीकृति लिएका नेपालीलाई भारतको बाटो हुँदै जाँदा एनओसी नचाँहिने
वैधानिक रुपमा श्रम स्वीकृति भएका नेपाली नागरिकहरूलाई भारतको विमानस्थल हुँदै श्रम गन्तव्य मुलुक जानका लागि अब नो अब्जेक्सन सर्टिफिकेट (एनओसी) नचाँहिने व्यवस्था लागु गरिएको छ ।
एनआरएनए ग्लोबल कन्केभ र वार्षिक साधरणसभा , एनआरएनएमा कुनै राजनीतिक हस्तक्षेप हुँदैन: प्रधानमन्त्री
रुपान्तरण र एकताः श्रम, लगानी र नागरिकताको निरन्तरता भन्ने मुख्य विषयमा केन्द्रित रही काठमाडौंमा एनआरएनए ग्लोबल कन्केभ तथा वार्षिक साधरणसभा शुरु भएको छ ।
मनोरञ्जन
नयाँ रियालिटी शो ‘एक्टिङ स्टार’को डिजिटल अडिसन खुल्ला
अभिनयमा रुची राख्नेहरुका लागि नयाँ रियालिटी शो ‘एक्टिङ स्टार’को घोषणा भएको छ । आगामी १ भदौ देखि एक महिनासम्मको लागि डिजिटल अडिसन खुल्ला गरिएको छ ।
१० करोड रुपैयाँ लगानीको दीपक र दीपाको सिनेमा हल संचालनमा
कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।
पाण्डेको ‘सहायक श्रीमान’लाई अमेरिकामा उत्कृष्ट अन्तर्राष्ट्रिय डकुमेन्ट्री अवार्ड
नेपालका कतिपय हिमाली क्षेत्रमा विद्यमान बहुपति प्रथाका बारेमा निर्मित वृत्तचित्र ‘सहायक श्रीमान’ (को–हजबेन्ड)ले आठौं कब इन्टरनेसनल फिल्म फेस्टिवलमा उत्कृष्ट उपाधि जितेको छ ।
तपाईको प्रतिक्रिया