१८ जेठ / अर्थ र व्यापार- सरकारको हुलाकी बचत कार्यक्रमले बैंकहरुको अस्थिर ब्याज दरको फाइदा पाइरहेको छ । फागुनदेखि नै मुद्दती बचतमा १२ प्रतिशत र चैत मध्यदेखि सामान्य बचत खातामा ८ प्रतिशतसम्म व्याजदर बैंकहरुले दिइरहेका भएपनि सर्वसाधारणहरुले हुलाकी बचतमा पाइने ३ देखि ४ प्रतिशत व्याज दरमा रकम रहेका छन् ।
आर्थिक सर्वेक्षण २०७३/७४ अनुसार हुलाकी बचतमा २०७३ असार मसान्तसम्ममा ७२ हजार १ सय ७८ खाताधनीले २ अर्ब १९ करोड निक्षेप राखेकोमा गत चैतमा यो बचत ५ करोड रुपैयाँले मात्र घटेर २ अर्ब १४ करोडमा सिमित भएका छ । करिब १ हजार खाता धनीले भने यो अवधिमा खाता बन्द गरेका छन् ।
हाल बचतकर्तालाई ३–४ प्रतिशत व्याज दर दिइरहेको हुलाकी बचत कार्यक्रमले यो दर ७ देखि ८ प्रतिशत पुर्याउने भएको हो ।
तपाईको प्रतिक्रिया