९ असार / अर्थ र व्यापार - नेपाल एसबिआई बैंकले जेठ ७ गते आईबारदेखि खुला गरेको हकप्रद असार ११ गतेदेखि बन्द हुँदैछ । यस अनुसार बैंकको सेयरधनीले आईतबारसम्म हकप्रदमा आवेदन गर्न सक्नेछन् । बैंकको हकप्रद निष्काशनका एनएमबि क्यापिटलले बिक्री प्रवन्धकको काम गरेको छ ।
नेपाल एसबिआई बैंकले एक अर्ब ९९ करोड १९ लाख ४२ हजार ३६० रुपैँयाको एक करोड ९९ लाख १९ हजार चार सय २३ दशमलव ६० कित्ता हकप्रद बिक्री खोलेको हो । हकप्रदमा गत बैशाख २५ गते सोमबारसम्म सेयर खरिद गरेका लगानीकर्ताले एसबिआई बैंकका सबै शाखा कार्यालयहरु, एसबिआई मर्चेन्ट बैकिंग लिमिटेड हात्तिसार, र एनएमबि क्यापिटल नागपोखरीबाट आवेदन फारम बुझाउन सक्नेछन् ।
हाल बैंकको चुक्ता पूँजी चार अर्ब ९७ करोड रुपैयाँ रहेको छ । ४० प्रतिशत हकप्रद पश्चात बैंकको पूँजी झण्डै ७ अर्ब रुपैयाँ पुग्नेछ । बैंकले चालु आर्थिक बर्षको चैत मसान्तसम्ममा एक अर्ब १० करोड ४४ लाख रुपैँया खुद नाफा कमाएर प्रतिसेयर आम्दानी २९.५७ रुपैँया कायम गरेको छ । बैंकको सेयर नेप्सेमा विहीबार प्रतिकित्ता ९२५ रुपैयाँमा कारोबार भएको छ ।
तपाईको प्रतिक्रिया