३ पुस/ अर्थ र व्यापार  - ग्लोबल आइएमई बैंक (GBIME) पनि मर्जर वा प्राप्तीमा जाने संकेत देखाएको छ । अन्य कुनै बैंक वा वित्तीय संस्था गाभ्न र गाभिन वा प्राप्ति गर्न सञ्चालक समितिलाई अख्तियार प्रदान गर्ने विशेष प्रस्ताव सहित बैंकले १२ औं साधारण सभा डाकेको हो ।

बैंक सञ्चालक समितिको पुस १ गते बसेको ३१० बैठकले पुस २७ गते शुक्रबार नक्साल व्याङक्वेट काठमाडौंमा दिनको १० बजे वार्षिक साधारण सभा बोलाएको हो । साधारण सभामा बैंकले गत आर्थिक वर्षको नाफाबाट प्रस्ताव गरेको चुक्ता पूँजीको १६ प्रतिशत बोनस शेयर स्वीकृत गर्ने र सोही हदसम्म जारी पूँजी तथा चुक्ता पूँजी वृद्धि गर्ने विशेष प्रस्ताव गरेको छ । बैंकको अधिकृत पूँजी १० अर्बबाट १६ अर्ब रुपैयाँ कायम गर्ने प्रस्ताव पनि साधारण सभामा गर्दैछ ।

यस्तै सञ्चालक समितिले प्रस्तुत गर्ने वार्षिक प्रतिबेदन पारित गर्ने, लेखा परिक्षकको प्रतिबेदन सहित आर्थिक वर्ष २०७४र७५ को वासलात, नाफा नोक्सान हिसाब र नगद प्रवाह विवरण लगायत वित्तीय विवरण स्वीकृत गर्ने र लेखा परिक्षकको नियुक्ती र पारिश्रमिक निर्धारण गर्ने तयारी गरेको छ । यसै गरि बैंकको साधारण सभाले सञ्चालक पदमा बाँकी अवधिका लागि सञ्चालकको नियुक्ती र स्वतन्त्र सञ्चालकको नियुक्ती अनुमोदन गर्नेछ ।