देवः विकास बैंकको खराब कर्जा अनुपातमा सुधार आएपनि धेरै सूचाङ्कमा गिरावट
६ माघ /अर्थ र व्यापार - देवः विकास बैंक (DBBL) को चालू आर्थिक वर्षको दोस्रो त्रैमासमा खुद नाफा सहित सञ्चालन नाफा, प्रतिशेयर आम्दानी, नेटवर्थ लगायतका धेरै सूचाङ्कमा गिरावट देखिएको छ । यद्यपी बैंकले निक्षेप, कर्जा र खुद व्याज आम्दानीमा भने सुधार गरेको छ ।
गत आवको दोस्रो त्रैमासमा १४ करोड ६ लाख रुपैयाँ खुद नाफा आर्जन गरेको बैंकको नाफा १३ करोड २९ लाखमा खुम्चिएको छ । नाफा घटेर यस्तै ४४ प्रतिशतको चुक्ता पूँजी वृद्धिको असर प्रतिशेयर आम्दानीमा पर्दा १७ रुपैयाँ २३ पैसा रहेको बैंकको इपिएस १० रुपैयाँ ५० पैसामा झरेको छ ।
बैंकको सञ्चालन नाफा २२ करोड १० लाखबाट २० करोड ८६ लाख र प्रतिशेयर नेटवर्थ १३६ रुपैयाँ ७९ पैसाबाट १२४ रुपैयाँ २३ पैसा कायम भएको छ । बैंकको नाफा घट्ने प्रमुख कारक कर्मचारी खर्च र खराब कर्जा नोक्सानी व्यवस्था देखिएको छ । गत आवमा ५ करोड ९७ लाख रहेको कर्मचारी खर्च ९ करोड ८४ लाख र २ करोड ७५ लाखको नोक्सानी व्यवस्था रकम बढेर ५ करोड १२ लाख पूग्दा नाफा संकुचित बनेको हो ।
गत आवको यसै अवधिको तुलनामा बैंकले पुस मसान्तसम्ममा २६. ६८ प्रतिशतले निक्षेप बढाएर १७ अर्ब ११ करोड ४२ लाख रुपैयाँ निक्षेप संकलन गरेको छ भने कर्जा लगानीतर्फ ३२.०२ प्रतिशत वृद्धि भई १५ अर्ब ६९ करोड ७० लाख रुपैयाँ पुगेको छ । यसबाट बैंकको खुद ब्याज आम्दानी ३१ करोड ३४ लाखबाट बढेर ३६ करोड ७३ लाख आर्जन भएको छ ।
बैंकको खराब कर्जा अनुपातमा भने सुधार आएको छ । गत आवको दोस्रो त्रैमासमा २. ५६ प्रतिशत रहेको खराब कर्जा अनुपात २.१७ प्रतिशतमा झरेको छ । चुक्ता पूँजी २ अर्ब ५३ करोड ३६ लाख रुपैयाँ रहेको यस बैंकको जगेडा कोषमा ६१ करोड ३८ लाख रुपैयाँ सञ्चित छ । समीक्षा अवधिमा बैंकको जगेडा कोष एक करोड ३० लाखले बढेको हो ।
सम्बन्धित शीर्षकहरु
मुख्य खबर
निगमले सिनामंगलस्थित हवाइ इन्धन डिपो गुहेश्वरीमा स्थानान्तरण गर्ने
नेपाल आयल निगमले त्रिभुवन अन्तर्राष्ट्रिय विमानस्थल परिसर सिनामंगलबाट करिब ५० वर्ष पुरानो हवाई इन्धन डिपो स्थानान्तरण गर्ने भएको छ । त्यहाँबाट सारिएको सो डिपो काठमाडौको गुहेश्वरीतर्फ निर्माण हुने छ ।
विकास र लगानीलाई रोक्नु समृद्धि र प्रगतिलाई अवरुद्ध गर्नु हो : अध्यक्ष ढकाल
नेपाल उद्योग वाणिज्य महासंघका अध्यक्ष चन्द्रप्रसाद ढकालले विकास र लगानीलाई रोकेर मुलुकको आर्थिक समृद्धि र प्रगतिलाई अवरुद्ध पार्दा हाम्रो पुस्ता मात्र नभएर भावि पुस्तालाई समेत गरिबी र अभावको दुस्चक्रमा पार्ने बताएका छन्
अब श्रम स्वीकृति लिएका नेपालीलाई भारतको बाटो हुँदै जाँदा एनओसी नचाँहिने
वैधानिक रुपमा श्रम स्वीकृति भएका नेपाली नागरिकहरूलाई भारतको विमानस्थल हुँदै श्रम गन्तव्य मुलुक जानका लागि अब नो अब्जेक्सन सर्टिफिकेट (एनओसी) नचाँहिने व्यवस्था लागु गरिएको छ ।
एनआरएनए ग्लोबल कन्केभ र वार्षिक साधरणसभा , एनआरएनएमा कुनै राजनीतिक हस्तक्षेप हुँदैन: प्रधानमन्त्री
रुपान्तरण र एकताः श्रम, लगानी र नागरिकताको निरन्तरता भन्ने मुख्य विषयमा केन्द्रित रही काठमाडौंमा एनआरएनए ग्लोबल कन्केभ तथा वार्षिक साधरणसभा शुरु भएको छ ।
मनोरञ्जन
नयाँ रियालिटी शो ‘एक्टिङ स्टार’को डिजिटल अडिसन खुल्ला
अभिनयमा रुची राख्नेहरुका लागि नयाँ रियालिटी शो ‘एक्टिङ स्टार’को घोषणा भएको छ । आगामी १ भदौ देखि एक महिनासम्मको लागि डिजिटल अडिसन खुल्ला गरिएको छ ।
१० करोड रुपैयाँ लगानीको दीपक र दीपाको सिनेमा हल संचालनमा
कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।
पाण्डेको ‘सहायक श्रीमान’लाई अमेरिकामा उत्कृष्ट अन्तर्राष्ट्रिय डकुमेन्ट्री अवार्ड
नेपालका कतिपय हिमाली क्षेत्रमा विद्यमान बहुपति प्रथाका बारेमा निर्मित वृत्तचित्र ‘सहायक श्रीमान’ (को–हजबेन्ड)ले आठौं कब इन्टरनेसनल फिल्म फेस्टिवलमा उत्कृष्ट उपाधि जितेको छ ।
तपाईको प्रतिक्रिया