३० असार / अर्थ र व्यापार – सिद्धार्थ डेभलपमेन्ट बैंक अक्वायर गरेपछि जनता बैंकले एकिकृत कारोबार सुरु गरेको छ । एकिकृत कारोबारको नेपाल राष्ट्र बैंकका कायम मुकायम गभर्नर चिन्तामणी शिवाकोटीले आरम्भ गरेका हुन् । एक्वायरपछि जनता बैंकको शाखा सञ्जाल ११३ वटा पुगेको छ ।

बैंकको निक्षेप ५० अर्ब पुगेको छ भने कर्जा ४५ अर्ब रहेको छ । ७ अर्ब चुक्ता पुँजी पुर्याएको बैंकले आगामी बोनस सेयर दिएर ८ अर्ब पुँजी पुर्याउने छ । वाणिज्य बैंक तर्फ सबै भन्दा धेरै उत्पादनशिल क्षेत्रमा लगानी गर्ने बैंकका रुपमा जनता बैंक स्थापित भैसकेको छ ।

बैंकमा कर्मचारीको संख्या एक हजार पुगेको छ । बैंकको शाखा विस्तार नभएका १४ जिल्लाका १५ स्थानीय तहमा बैंकले शाखा विस्तार गर्ने तयारी गरेकोे छ । सबै जनतामा पुग्ने लक्ष्य अनुसार जनता बैंकले न्युनतम शुल्कमा छिटो छरिटो र विश्वनिय सेवा प्रदान गर्नेछ । २८ वटा बाणिज्य बैंकहरुबिचको प्रतिष्पर्धामा जनता बैंक अब्बल हुने छ ।