२६ मंसिर/ अर्थ र व्यायार  - सिटिजन्स बैंकले लाभांश प्रस्ताव गरेको छ । बैंकको मङ्गलवार बसेको सञ्चालक समिति बैठकले शेयरधनीलाई ५.२६ प्रतिशत लाभांश प्रस्ताव गरेको छ । 

जसमा ३.६२ प्रतिशत बोनश शेयर र बोनस शेयरको कर प्रयोजनको लागि १.६३ प्रतिशत नगद लाभांश दिने भएको छ । बैकले प्रस्ताब गरेको लाभांश आठ वर्ष यताकै न्यून हो । बैंकले आर्थिक बर्ष २०६८र६९ मा ८.४२ प्रतिशत लाभांश दिएको थियो। गत बर्ष बैंकले १७ प्रतिशत लाभांश दिएको थियो । 

गत बर्ष बैंकले एफपिओ निष्कासन गरेको भएपनि प्राप्त रकम जगेडा कोषमा राखेको छ । आर्थिक पक्ष बलियो बनाउन बैंकले जगेडा कोष तीन अर्ब ३२ करोड रुपैयाँ पुर्याखएको छ । 

कोष गत बर्ष यही अबधिमा एक अर्ब ६८ करोड रुपैयाँ मात्र थियो । बैंकले गत आर्थिक बर्षमा एक अर्ब चालिस करोड रुपैयाँ नाफा गरेको थियो भने चालु आर्थिक बर्षको पहिलो त्रैमासमा ३३ करोड रुपैयाँ नाफा गरेको छ । हाल बैकको चुक्ता पूँजी आठ अर्ब सात करोड रुपैयाँ छ ।