२२ भदौ / अर्थ र व्यापार – ३० प्रतिशत हकप्रद निष्काशनको प्रक्रियामा रहेको ओम डेभलपमेण्ट बैंकले हकप्रद प्रयोजनका लागि बुक क्लोजको मिति तय गरेको छ । बैंकले हकप्रद प्रयोजनका लागि यहि भाद्र ३० गते एक दिन सेयरधनी दर्ता पुस्तीका बन्द रहने जानकारी गराएको छ ।

बैंकका अनुसार भाद्र २९ गतेसम्म कायम रहेका सेयरधनीले मात्र बैंकको हकप्रदमा आवेदन गर्न पाउनेछन् । बैंकले हाल कायम पुँजीको दश बराबर तीन कित्ताका दरले ४९ लाख ३१ हजार ८३५ कित्ता हकप्रद जारी गर्न लागेको हो ।

हाल एक अर्ब ६४ करोड रुपैंया चुक्ता पूँजी रहेको बैंकको ३० प्रतिशत हकप्रद पश्चात चुक्ता पूँजी दुई अर्ब १३ करोड नाघ्नेछ । बैंकले राष्ट्र बैंकले तोको पूँजी पुर्याउन ३७ करोड बराबरको बोनस बाड्नुपर्ने देखिन्छ ।

बैंकले गत आर्थिक वर्षमा ४३ करोड ३४ लाख रुपैंया खु्द नाफा कमाएको छ । बैंकको जगेडा कोषमा ७५ करोड ८६ लाख ५९ हजार रुपैंया सञ्चित छ । ओम बैंकको हकप्रद सेयरको निष्काशन एनआईबिएल क्यापिटलले गर्नेछ ।