२६ पुस/अर्थ र व्यापार - नेपाल बंगलादेश बैंक (NBB) को पुस २६ गते सम्पन्न चौविसौं वार्षिक साधारण सभाले सञ्चालक समितिले गत आर्थिक वर्षको नाफाबाट प्रस्ताव गरेको १०.५३ प्रतिशत नगद लाभांश पारित गर्दै प्रबन्धपत्र संसोधन गरेर सहायक कम्पनी स्थापना गरि धितोपत्र कारोबार (स्कट ब्रोकर) सँग सम्बन्धि सम्पुर्ण कार्य गर्ने व्यवस्था थप गरेको छ ।

बैंकको साधारण सभाले बैंकको प्रबन्धपत्र तथा नियमावली समेत संसोधन गरेको छ । प्रबन्धपत्रमा सम्बन्धित नियामक निकायको स्वीकृति लिएर सहायक कम्पनी स्थापना गरी धितोपत्र कारोबार (स्कट ब्रोकर) सँग सम्बन्धि सम्पुर्ण कार्य गर्ने गरी संशोधन गरिएको हो । 

यससँगै अब बैंकलाइ धितोपत्र कारोबार सम्बन्धि काम गर्नका लागि एक चरणको बाटो खुला भएको छ । नियामक निकायबाट अनुमति प्रदान भएपछि बैंकले ब्रोकर सेवा प्रदान गर्न पाउनेछ । गत आर्थिक वर्षको मुनाफाबाट प्रस्तावित चुक्ता पुँजीको १०.५३ प्रतिशत अर्थात ८५ करोड १३ लाख ९९ हजार ९१९ रुपैयाँ नगद लाभांश लाभांश पारित गरेको हो । यससँगै अब शेयरधनीलाइ लाभांश वितरणको गर्न बाटो खुलेको छ । साधारण सभा गर्नका लागि बैंकले पुस १५ गते बुकक्लोज गरेको छ । यसअनुसार पुस १४ गतेसम्म कायम शेयरधनीले मात्र लाभांश पाउनेछन् । 

हाल आठ अर्ब आठ करोड रुपैयाँ चुक्ता पूँजी रहेको बैंकले चालु आर्थिक वर्षको पहिलो त्रैमासमा २२ करोड रुपैयाँ भन्दा बढी वितरणयोग्य मुनाफा आर्जन गरेको छ । यस अवधिमा बैंकको प्रतिशेयर आम्दानी १४ रुपैयाँ ९४ पैसा, प्रतिशेयर नेटवर्थ १५०.२४ रुपैयाँ र मूल्य आम्दानी अनुपात २० गुणा बढी छ ।