२९ जेठ / अर्थ र व्यापार-अरुण फाइनान्स कम्पनीले विष्णु पाण्डेको रुपमा नयाँ प्रमुख कार्यकारी अधिकृत (सीईओ) पाएको छ । कम्पनीको जेठ २२ गते बसेको सञ्चालक समितिको बैठकले विष्णु पाण्डेलाई सीईओमा नियुक्त गरेको हो ।
नेपाल बंगलादेश बैंकबाट करियर शुरु गरेका पाण्डेले यसअघि एनआइसी एशिया बैंकमा समेत काम गरिसकेका छन् । उनीसँग बैंकिङ क्षेत्रमा १४ बर्षको अनुभव रहेको छ ।
अरु्ण फाइनान्स आफैले पुँजी जुटाएर ८० करोड चुक्ता पुँजी पुर्याउने छ । कम्पनीले पहिलो चरणमा १ बराबर १ अनुपातमा हकप्रद जारी गर्ने भएको छ ।
कम्पनीको हकप्रद धितोपत्र बोर्डमा स्वीकृतीको लागि प्रक्रियामा रहेको छ । यो हकप्रद जारी भएपछि कम्पनीको पुँजी ३० करोड रुपैयाँ पुग्ने छ ।
२०५४ सालबाट सञ्चालनमा आएको कम्पनी केही समयअघि मात्र समस्याग्रस्त अवस्थाबाट मुक्त भएको हो ।
कम्पनीमा सेयर लगानीकर्ता अम्बिका पौडेलसम्बद्ध हाथवे इन्भेष्टमेन्टले लगानी गरेसँगै नयाँ सञ्चालक तथा व्यवस्थापन समूह प्रवेश गरेको हो । हाल बजारमा कम्पनीको सेयर मुल्य २ सय रुपैयाँ मात्र रहेको छ ।
तेस्रो त्रैमासअनुसार कम्पनीको नाफा १० लाख रुपैयाँ रहेको छ । समस्याग्रस्त रहँदा २३ करोड सञ्चित नोक्सानी रहेकोमा हाल १५ करोड २८ लाखमा झरेको छ ।
तपाईको प्रतिक्रिया