अमेरिकामा नेपाली कम्यूनिटी बैंक ‘एभरेष्ट क्रेडिट युनियन’लाई सञ्चालन अनुमति
११ भदौ/अर्थ र व्यापार– अमेरिकामा नेपालीद्धारा स्थापित एभरेष्ट फेडरल क्रेडिट युनियनलाई अमेरिकी केन्द्रीय सरकार अन्तर्गतको नेशनल क्रेडिट युनियन एड्मिनिष्ट्रेसन (एनसियुए) ले सञ्चालन अनुमति दिएको छ ।
जटिल कानुनी प्रकृया, सर्भे, व्यवसायीक एवं बजारीकरण योजना लगायतका प्रावधानहरु पुरा गरेपछि एनसियुएले सञ्चालन अनुमति दिएको संस्थाले विज्ञप्ती मार्फत जनाएको छ ।
संस्थाले अब छिटै निक्षेप संकलन, कर्जा प्रवाह, क्रेडिट कार्ड जारी लगायतका वित्तीय कारोबार सुरु गर्ने समेत जनाएको छ ।
संस्था सञ्चालनलगत्तै अब यहाँ रहेका नेपाली समुदायले पहिलो चरणमा चेकिङ एकाउण्ट, सेभिङ एकाउण्ट, रिटायरमेन्ट एकाउण्ट, विशेष मुनाफा वितरण हुने स्पेसल एकाउण्ट, डेबिट कार्ड, सवारीसाधन ऋण, व्यक्तिगतऋणजस्ता सुविधा पाउने जनाइएको छ।
साथै, संस्थाले क्रेडिट कार्ड, विद्यार्थी ऋण, साना व्यवसाय ऋण, घर खरिद ऋण, तथा अन्य वैकिङ सुविधा पनि छिटै संचालनमा ल्याउने जनाएको छ ।
अमेरिकामा बसोवास गर्ने सबै नेपालीहरुलाई सदस्य एवं निक्षेपकर्ता बनाएर सुविधा प्रदान गर्ने लक्ष्य राखेको हुँदा संस्थाले सबै राज्यमा शाखा खोल्ने अनुमति पाएको छ । पाँच वर्षभित्रमा कम्तीमा १० शाखा र १० हजार निक्षेपकर्ता पुर्याइ कारोबार २० करोड अमेरिकी डलर नघाउने संस्थाले जनाएको छ ।
न्यूयोर्कपछि नेपालीहरुको धेरै बसोबास रहेका टेक्सास, क्यालिफोर्निया, वासिङटन डिसी, जस्ता अन्य ठाउँहरुमा शाखा विस्तार गर्ने जनाइएको छ ।
अमेरिकामा बिभिन्न देशबाट आएका आप्रबासीको संख्या एवं आर्थिक गतिबिधी बढ्दै गएपछि समुदायको आर्थिक हित प्रबर्द्धनको मूल उध्येश्य लिएर यस्तो युनियन सञ्चालनमा ल्याउन सफल भएको उदाहरण देखिन्छ ।
अमेरिकी सरकारले यस्ता सामुदायीक बैंकलाई कर छुट दिने हुँदा अरु बाणिज्य बैंकको तुलनामा यिनीहरुका ऋणीले कम ब्याजदरमा कर्जा पाउने एवं बचतकर्ताले धेरै ब्याज पाउने संस्थाले जनाएको छ ।
सम्बन्धित शीर्षकहरु
मुख्य खबर
निगमले सिनामंगलस्थित हवाइ इन्धन डिपो गुहेश्वरीमा स्थानान्तरण गर्ने
नेपाल आयल निगमले त्रिभुवन अन्तर्राष्ट्रिय विमानस्थल परिसर सिनामंगलबाट करिब ५० वर्ष पुरानो हवाई इन्धन डिपो स्थानान्तरण गर्ने भएको छ । त्यहाँबाट सारिएको सो डिपो काठमाडौको गुहेश्वरीतर्फ निर्माण हुने छ ।
विकास र लगानीलाई रोक्नु समृद्धि र प्रगतिलाई अवरुद्ध गर्नु हो : अध्यक्ष ढकाल
नेपाल उद्योग वाणिज्य महासंघका अध्यक्ष चन्द्रप्रसाद ढकालले विकास र लगानीलाई रोकेर मुलुकको आर्थिक समृद्धि र प्रगतिलाई अवरुद्ध पार्दा हाम्रो पुस्ता मात्र नभएर भावि पुस्तालाई समेत गरिबी र अभावको दुस्चक्रमा पार्ने बताएका छन्
अब श्रम स्वीकृति लिएका नेपालीलाई भारतको बाटो हुँदै जाँदा एनओसी नचाँहिने
वैधानिक रुपमा श्रम स्वीकृति भएका नेपाली नागरिकहरूलाई भारतको विमानस्थल हुँदै श्रम गन्तव्य मुलुक जानका लागि अब नो अब्जेक्सन सर्टिफिकेट (एनओसी) नचाँहिने व्यवस्था लागु गरिएको छ ।
एनआरएनए ग्लोबल कन्केभ र वार्षिक साधरणसभा , एनआरएनएमा कुनै राजनीतिक हस्तक्षेप हुँदैन: प्रधानमन्त्री
रुपान्तरण र एकताः श्रम, लगानी र नागरिकताको निरन्तरता भन्ने मुख्य विषयमा केन्द्रित रही काठमाडौंमा एनआरएनए ग्लोबल कन्केभ तथा वार्षिक साधरणसभा शुरु भएको छ ।
मनोरञ्जन
नयाँ रियालिटी शो ‘एक्टिङ स्टार’को डिजिटल अडिसन खुल्ला
अभिनयमा रुची राख्नेहरुका लागि नयाँ रियालिटी शो ‘एक्टिङ स्टार’को घोषणा भएको छ । आगामी १ भदौ देखि एक महिनासम्मको लागि डिजिटल अडिसन खुल्ला गरिएको छ ।
१० करोड रुपैयाँ लगानीको दीपक र दीपाको सिनेमा हल संचालनमा
कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।
पाण्डेको ‘सहायक श्रीमान’लाई अमेरिकामा उत्कृष्ट अन्तर्राष्ट्रिय डकुमेन्ट्री अवार्ड
नेपालका कतिपय हिमाली क्षेत्रमा विद्यमान बहुपति प्रथाका बारेमा निर्मित वृत्तचित्र ‘सहायक श्रीमान’ (को–हजबेन्ड)ले आठौं कब इन्टरनेसनल फिल्म फेस्टिवलमा उत्कृष्ट उपाधि जितेको छ ।
तपाईको प्रतिक्रिया