५ असोज / अर्थ र व्यापार – सप्तकोशी डेभलपमेन्ट बैंकको निष्काशन गरेको हकप्रदमा संस्थापक र साधारण गरि ९ लाख ७३ हजार ६७७ कित्ता सेयर विक्री नभएको देखिएको छ । बैंकले जारी गरेको १३० प्रतिशत हकप्रद जारी गरेकोमा सो परिमाणको सेयरमा सेयरधनीले आवेदन नगरेका हुन् ।

सप्तकोशी डेभलपमेन्ट बैंकले गत असार ३० गतेदेखि भदौ ९ गतेसम्म एक बराबर एक दशमलव तीन कित्ता अनुपातमा २७ लाख ४३ हजार कित्ता सेयरमा बिक्रीमा ल्याएको थियो । जसमध्ये १७ लाख ६९ हजार ३२३ कित्ता सेयर रितिपुर्वक आवेदन दिने १३ हजार ८०९ जनालाई असोज ४ गते हकप्रद बाँडफाँड गरेकोे छ । 

बैंकको हकप्रद एनएमबि क्यापिटलले विक्री गरेको थियो । हकप्रदमा अवितरित सेयर बैंकले केही समयपछि लिलामीमा ल्याउनेछ । गत आर्थिक बर्षको चौथो त्रैमासमा सप्तकोशी डेभलपमेन्ट बैंकले दुई करोड ३५ लाख २१ हजार रुपैयाँ खुद नाफा कमाएर प्रतिसेयर आम्दानी ११ रुपैयाँ १५ पैसा कायम गरेको छ । २१ करोड १० लाख रुपैयाँ चुक्ता पूँजी रहेको बैंकको बुधबार प्रतिकित्ता १७५ रुपैयाँमा सेयर कारोबार भएको छ ।