२० असार / अर्थ र व्यापार – असारको बाँकी दुई सातामा ६ संस्थाले हकप्रद सेयर जारी गर्दैछन् । असार २५ गते आइतवार अल्पाइन डेभलपमेन्ट बैंकले ३ बराबर २.०८ को अनुपातामा र रिलायबल माइक्रोफाइनान्स वित्तीय संस्थाले २ बराबर १ अनुपातमा हकप्रद सेयर जारी गर्ने भएको हो । अल्पाइनको बिक्री प्रबन्धक एनएमबी क्यापिटल र रिलायबलको सिभिल क्यापिटल रहेको छ ।
त्यस्तै, हिमालयन जनरल इन्स्योरेन्सले असार २८ गतेबाट १ बराबर १.६६६ अनुपातमा हकप्रद सेयर जारी गर्न लागेको हो ।कम्पनीको सेयर बिक्री प्रबन्धकमा एनएमबी क्यापिटल रहेको छ ।
लुम्बिनी जनरल इन्स्योरेन्स, कञ्चन डेभलपमेन्ट बैंक र सप्तकोशी डेभलपमेन्ट बैंकका असार ३० गतेबाट हकप्रद बिक्री खुला हुने भएको छ । लुम्बिनीले १ बराबर १ अनुपातमा, सप्तकोशीले १ बराबर १.३ अनुपातमा र कञ्चनले १० बराबर ३ अनुपातमा हकप्रद सेयर जारी गर्नेछन् । लुम्बिनीको बिक्री प्रबन्धकमा सीबीआइएल क्यापिटल, सप्तकोशीको एनएमबी क्यापिटल र कञ्चनको ग्लोबल आइएमइ क्यापिटल बिक्री प्रबन्धकमा रहेको छ ।
तपाईको प्रतिक्रिया