स्ट्यान्डर्ड चार्टर्ड बैंकले कीर्तिपुरमा रोप्यो ७०० भन्दाबढी विरुवा

111 पटक पढिएको

२६ जेठ/अर्थ र व्यापार – विश्व वातावरण दिवस २०२५ को अवसरमा स्ट्यान्डर्ड चार्टर्ड बैंक नेपाल लिमिटेडले आयोजना गरेको सप्ताहव्यापी वातावरणीय गतिविधिहरूको समापन वृहत वृक्षारोपण कार्यक्रममार्फत गरिएको सो बैंकले जनाएको छ ।
कीर्तिपुरस्थित लेबोरेटरी माध्यमिक विद्यालयमा सम्पन्न सो अभियानमा बैंकका ३ सय ५० भन्दा बढी कर्मचारीको सक्रिय सहभागिता रहेको थियो । कार्यक्रमअन्तर्गत फलफूल, फूलफुल्ने तथा छायाँ दिने गरी २० भन्दा बढी जातका ७ सयभन्दा बढी बिरुवाहरू रोपिएका छन् ।
हरियाली प्रर्वधन, जैविक विविधता संरक्षण तथा वातावरणीय दिगोपनामा सकारात्मक प्रभाव पार्ने उद्देश्यसहित सञ्चालन गरिएको यस अभियानले दीर्घकालीन वातावरणीय सन्तुलनमा योगदान पु¥याउने विश्वास लिइएको छ ।
वृक्षारोपणको औपचारिक सुरुआत बैंकका प्रमुख कार्यकारी अधिकृत (सीईओ) गोरख राणा, डेपुटी सीईओ सर्वेन्द्र मिश्र तथा विद्यालयका उपप्रधानाध्यापक पेम्बा छिरिङ शेर्पाले संयुक्त रूपमा गरेका थिए ।
यस अवसरमा उनीहरूले विगत वर्ष रोपिएका बिरुवाहरूको समेत निरीक्षण, सफाइ तथा संरक्षण कार्यमा सहभागिता जनाएका थिए । बैंकले प्रत्येक वर्ष वातावरण दिवसको सन्दर्भमा विभिन्न हरित गतिविधिहरू सञ्चालन गर्दै आएको छ।
यस वर्षको अभियानमा वृक्षारोपणसँगै, कर्मचारीमाझ वातावरणप्रति सचेतना अभिवृद्धि गर्न विविध संवाद र सरसफाइ गतिविधिहरूसमेत सञ्चालन गरिएको थियो ।

तपाईको प्रतिक्रिया

सम्बन्धित शीर्षकहरु