७ कात्तिक/अर्थ र व्यापार – संघिय राजधानी काठमाडौ लगायत मुलुकभर सबै ठाउँमा आफ्नो शाखा सञ्चार विस्तार भईसकेका राष्ट्रियस्तरका विकास बैंकहरुले चालु आर्थिक वर्ष २०८१/८२ को पहिलो त्रैमास असोजमसान्तसम्ममा कुल नाफा २९.०७ प्रतिशतले बढाएका छन्। चालु आर्थिक वर्षको पहिलो त्रैमास असोज मसान्तसम्म राष्ट्रियस्तरका विकास बैंकहरुले १ अर्ब ४२ करोड रुपैयाँ नाफा कमाएका छन्।

गत वर्ष सोही अवधिमा राष्ट्रियस्तरका विकास बैंकहरुको नाफा जम्मा १ अर्ब १० करोड रुपैयाँ मात्र थियो ।पछिल्लो सयम नेपाल राष्ट्र बैंकले लिएको लचिलो मौद्रिक नीति, वित्तियक्षेत्रमैत्री लचकता एवं  रिकभरीमा सुधार भएका कारण अहिले यि विकास बैंकहरुको नाफामा सुधार देखिएको हो । राष्ट्रिय स्तरका विभिन्न ८ वटा विकास बैंकहरुमध्ये ७ वटा बैंकले चालु आवको यो समिक्षा अवधीमा नाफा बढाएका छन् । 

जसमध्ये ज्योति विकास बैंकको नाफा सबैभन्दा धेरै १९७ दशमलब ६० प्रतिशतले वृद्धि भएको छ । धेरै नाफा गर्नेमा मुक्तिनाथ विकास बैंक रहेको छ । मुक्तिनाथ विकास बैंकले समिक्षा अवधीमा २८ करोड १८ लाख रुपैयाँ खुद नाफा गरेको देखिएको छ । यसैगरी, महालक्ष्मी विकास बैंकको नाफा भने १ दशमलब १४ प्रतिशतले खुम्चिएको छ । यो बैंकले तीन महिनामा ९ करोड ४२ लाख रुपैयाँ नाफा कमाएको छ ।

अहिलेसम्म यि बैंकहरुले सार्वजनिक गरेको वित्तीय विवरण अनुसार यस्तो देखिएको हो । समिक्षा अवधीमा लुम्बिनी विकास बैंकले चालु आवको पहिलो त्रैमासमा २० करोड १९ लाख ८५ हजार ९७९ रुपैयाँ नाफा कमाएको छ । यस बैंकले अघिल्लो आवको सोही अवधीमा १७ करोड ३२ लाख ८० हजार ९२६ रुपैयाँ मात्र नाफा कमाएको थियो ।

यस बैंकको नाफा अघिल्लो आवको भन्दा १६ दशमलब ५७ प्रतिशतले बढी हो । कामना सेवा विकास बैंकले चालु आवको पहिलो त्रैमासमा १७ करोड ४९ लाख ७९हजार २९६ रुपैयाँ नाफा कमाएको छ । यस बैंकले अघिल्लो आवको सोही अवधीमा जम्मा ११ करोड ९५ लाख २१ हजार ८८० रुपैयाँ नाफा कमाएको थियो । यो अघिल्लो आवको भन्दा ४६ दशमलब ४० प्रतिशतले बढी हो । यसैगरी, गरिमा विकास बैंकले चालु आवको पहिलो त्रैमासमा कुल २२ करोड ५७ लाख ४३ हजार ९८१ रुपैयाँ नाफा कमाएको छ । यस बैंकले अघिल्लो आवमा जम्मा २० करोड १५ लाख ५४ हजार ७९३ रुपैयाँ नाफा कमाएको थियो । यो अघिल्लो आवको भन्दा १२ प्रतिशतले बढी हो । ज्योति विकास बैंकले सबैभन्दा धेरै चालु आवको पहिलो त्रैमासमा कुल १५ करोड ११ लाख ९० हजार ३१० रुपैयाँ नाफा कमाएको छ । यस बैंकले अघिल्लो आवमा जम्मा ५ करोड ८ लाख २ हजार ८१२ रुपैयाँ मात्र नाफा कमाएको थियो । यो १९७ दशमलब ६० प्रतिशतले बढी हो । 

मुक्तिनाथ विकास बैंकले चालु आवको पहिलो त्रैमासमा कुल २८ करोड १८ लाख १९ हजार रुपैयाँ नाफा कमाएको छ । यस बैंकले अघिल्लो आवमा २२ करोड ८८ लाख ७ हजार रुपैयाँ नाफा कमाएको थियो । यो अघिल्लो आवको भन्दा २३ दशमलब १७ प्रतिशतले बढी हो । यसैगरी, सांग्रिला डेभलपमेन्ट बैंकले चालु आवको पहिलो त्रैमासमा ६ करोड १ लाख ७९ हजार ३२३ रुपैयाँ नाफा कमाएको छ । यस बैंकले अघिल्लो आवको सोही अवधीमा ४ करोड , ६५ लाख ९१ हजार १७४ रुपैयाँ नाफा आर्जन गरेको थियो । यो अघिल्लो आवको भन्दा २९ दशमलब १६ प्रतिशतले बढी हो । 

त्यसैगरी, साइन रेसुङ्गा डेभलपमेन्ट बैंकले चालु आवको पहिलो त्रैमासमा कुल २३ करोड ९३ लाख ६३ हजार ८६३ रुपैयाँ नाफा कमाएको छ । यस बैंकले अघिल्लो आवको सोही अवधीमा जम्मा १९ करोड १६ लाख ५४ हजार ४६१ रुपैयाँ नाफा कमाएको थियो । यो अघिल्लो आवको भन्दा २४ दशमलब ८९ प्रतिशतले बढी हो । 

यस अवधीमा सबै विकास बैंकहरुको नाफा बृद्धि भएपनि महालक्ष्मी विकास बैंकको भने नाफा घटेर चालु आवको पहिलो त्रैमासमा जम्मा ९ करोड ४२ लाख ८९ हजार ७८ रुपैयामा सिमित भएको देखिएको छ । यस बैंकले अघिल्लो आवको सो अवधीमा कुल ९ करोड ५३ लाख ७८ हजार ६०९ रुपैयाँ नाफा कमाएको थियो । यो अघिल्लो आवको तुलनामा १ दशमलब १४ प्रतिशतले कम हो ।