२३ असोज/अर्थ र व्यापार – सानिमा रिलायन्स लाइफको सातौं वार्षिक साधारणसभा सम्पन्न भएको छ । काठमाडौमा सो साधारण सभा सम्पन्न भएको हो । सो साधार सभाबाट आर्थिक वर्ष २०७९/०८० को मुनाफाबाट चुक्ता पुँजीको १८.३८११ प्रतिशत बोनस सेयर वितरण गर्ने प्रस्ताव पारित भएको छ ।
यसका साथै आर्थिक वर्ष २०७९÷०८० को लेखा परीक्षण, वासलत, नाफा–नोक्सान हिसाब तथा नगद प्रवाह विवरण पारित हुनुकासाथै एनएफआरएस प्रणाली लागू गरी तयार गरिएको वित्तीय विवरण पनि पारित भएको सो कम्पनीले जनाएको छ ।
गत ३१ भदौमा बसेको कम्पनीको सञ्चालक समितिको बैठकले बुधबारका लागि वार्षिक साधारणसभा बोलाएको थियो । यसका साथै १८.३८११ प्रतिशत बोनस सेयर वितरण गर्ने घोषणा सो कम्पनीले गरेको थियो ।