२१ असोज/अर्थ र व्यापार – कुमारी बैंक लिमिटेडले आफ्ना सेवाग्राहीलाई शुभकामना स्वरुप दसैं दक्षिणा अफर ल्याएको जनाएको छ ।
बैंकले मोबाइल बैकिङबाट रकम ट्रान्सफर गर्ने १,००० सेवाग्राहीहरुलाई ट्रान्सफर गरिएको रकमको २५ प्रतिशत वा अधिकतम ५० रुपैयाँ दक्षिणा प्रदान गर्ने अफर ल्याएको हो ।
यसैगरी, एकादशीदेखि कोजाग्रत पूर्णिमासम्मको ४ दिन कुमारी बैंकका सेवाग्राहीले वस्तु तथा सेवा खरिद बापतको रकम डेबिट कार्ड, क्रेडिट कार्ड वा मोबाइल बैंकिङमार्फत भुक्तानी गर्दा प्रत्येक दिन कार्ड प्रयोगकर्ता ५० र मोबाइल बैंकिङ प्रयोगकर्ता ५० जनाले खरिद मूल्यको २५ प्रतिशत वा अधिकतम ५०१ रुपैयाँ बराबरको दसैं दक्षिणा प्राप्त गर्न सक्ने सो बैंकले जनाएको छ ।
बैंकका अनुसार बिहान ८ बजेदेखि राति ११ः५९ बजेसम्म सबैभन्दा छिटो कारोबार गर्ने सेवाग्राहीलाई नदोहोरिने गरि क्यास ब्याक उपलब्ध गराउने व्यवस्था समेत गरिएको छ। बैंकले घटस्थापनादेखि महानवमीसम्म ९ दिनका लागि दसैं उत्सव क्यासब्याक सञ्चालन गरिरहेको छ ।