२ साउन/अर्थ र व्यापार – गरिमा विकास बैंक लिमिटेडले अन्तर्राष्ट्रिय क्युआर पेमेन्ट सुविधा को सुरूवात गरेको छ ।
बैंकले भारतीय डिजिटल कम्पनी भीम र फोनपेसँग नेपालमा भुक्तानीका लागि सम्झौता गरेको हो । सम्झौता अनुसार भीमपे र फोनपेका नेपाल आएका भारतीय पर्यटक÷ग्राहकले १ साउनदेखि नेपालमा क्युआर पेमेन्ट गर्नमिल्ने गरी सेवा सुरु गरेको हो ।
भारतीय ग्राहकहरुले भीमपे र फोनपे लगायतका भारतीय भुक्तानी सेवा प्रदायकहरुबाट गरिमा विकास बैंकको क्यूआर कोड स्क्यान गरी नेपालका विभिन्न व्यापारिक स्थलहरुमा सुरक्षित र सुविधाजनक रुपमा रकम भुक्तानी गर्न सक्ने सो बैंकले जनाएको छ ।
यस प्रकारका सेवाहरूले नेपाल र भारतबीचको आर्थिक तथा पारस्परिक सम्बन्धलाई अझ सुदृढ बनाउँदै नेपालको आर्थिक र पर्यटन क्षेत्रको विकासमा समेत महत्वपूर्ण भूमिका निर्वाह गर्ने विश्वास सो बैंकले लिएको छ ।