३१ असार/अर्थ र व्यापार – राष्ट्रिय वाणिज्य बैंकले देशका विभिन्न ६ स्थानमा एकैपटक शाखा विस्तार गरेको छ । बैंकले सुनसरीको हरिनगरा नगरपालिका–२ भुटाहा, काठमाडौं महानगरपालिका–२ लाजिम्पाट, काठमाडौं महानगरपालिका–४ सुकेधारा, पोखरा महानगरपालिका–१ हरिचोक, रुपन्देहीको तिलोत्तमा नगरपालिका–५ मणिग्राम र बर्दियाको बढैयाताल–६ मैनापोखरमा शाखा विस्तार गरेको हो ।
नयाँ शाखा विस्तारसँगै बैंकका शाखा संख्या २ सय ९४ पुगेको छ । नयाँ शाखाले आइतबारबाट कारोबार थालेको बैंकले सोमबार प्रेस विज्ञप्तिमार्फत यस्तो जानकारी गराएको हो ।
बैंकले स्याङ्जाको चापाकोट नगरपालिका–१० स्थित इसान बहुप्राविधिक शिक्षालयमा एक्स्टेन्सन काउन्टर सञ्चालनमा ल्याएको छ । बैंकको यो ७३ औं एक्स्टेन्सन काउन्टर हो।
तपाईको प्रतिक्रिया