७ जेठ/अर्थ र व्यापार – कुमारी बैंक लिमिटेडले क्यूआर कोडबाट कारोबार गर्ने आफ्ना क्यूआर मर्चेन्टहरूका लागि फोनलोन सुविधा संचालनमा ल्याएको छ।
फोनलोन सुविधाअन्तर्गत मर्चेन्टहरूले बिना धितो कुमारी मोबाइल बैकिङ एपमार्फत नै २ लाख रुपैयाँसम्मको कर्जा उपयोग गर्न सक्ने सो बैंकले जनाएको छ।
यसबाट विशेषगरि घरेलु, साना तथा मझौला उद्यमीहरूका वित्तीय कारोबारहरू डिजिटल माध्यममा आकर्षित गर्न तथा उद्यमीहरूका सानातिना वित्तीय आवश्यकताहरू परिपुर्ति हुँदा वित्तीय पहुच समेतमा विस्तार हुने अपेक्षा बैंकले लिएको छ।
विगत २२ वर्षदेखि निरन्तर बैंकिङ सेवा दिँदै आएको कुमारी बैंकका देशभर ३०२ शाखा सञ्जाल, ३१४ एटीएम, ४९ एक्सटेन्सन काउन्टर तथा ५९ शाखारहित बैंकिङ इकाइहरू संचालनमा छन्।