१५ चैत/अर्थ र व्यापार – गरिमा विकास बैंकको प्रमुख कार्यकारी अधिकृत (सीइओ)मा माधवप्रसाद उपाध्याय नियुक्त भएका छन्। बैंकको सञ्चालक समितिले उपाध्यायलाई ४ वर्षका लागि सीइओमा नियुक्त गर्ने निर्णय गरेको हो।
बैंकका अनुसार उनको कार्यकाल आगामी १ बैशाखबाट सुरु हुन्छ । अहिले यस बैंकको प्रमुख कार्यकारी गोविन्द ढकाल छन्। ढकाल यहि चैत मसान्तमा कार्यकाल पूरा गरेर अवकाश हुँदैछन्।
नवनियुक्त सिईओ उपाध्याय गरिमा विकास बैंककै नायव प्रमुख कार्यकारी अधिकृत थिए। वर्तमान सिईओ ढकालको कार्यकाल सकिनुअघि नै आगामी नयाँ प्रमुख कार्यकारीको टुंगो गरिएको सो बैंकले जनाएको छ ।
व्यवस्थापनमा स्नातकोत्तर गरेका उपाध्याय गरिमा विकास बैंकमा संस्थापना कालदेखि कार्यरत छन्। उनले विगत १५ वर्षदेखि कम्पनी सचिवको रुपमा समेत काम गर्दै आएका छन्। विगत ११ वर्षदेखि नायब प्रमुख कार्यकारी अधिकृत पदमा कार्यरत छन्। उनी बैंकिङ क्षेत्रमा प्रवेश गर्नुपूर्व करिब डेढ दशक अध्यापन÷प्राध्यापनमा संलग्न थिए।
ढकाल भने विगत १५ वर्षदेखि निरन्तर प्रमुख कार्यकारी अधिकृत थिए । यसैगरी, सञ्चालक समितिले बैंकका सहायक प्रमुख कार्यकारी अधिकृत अनिल रेग्मीलाई १५ चैतदेखि नै लागू हुने गरी कम्पनी सचिवमा नियुक्त गरेको छ ।