१७ फागुन/अर्थ र व्यापार – नेपाल राष्ट्र बैंकले उपदान तथा पेन्सन कोषमा रहेको रकम बैंक तथा वित्तीय संस्थाको मुद्दति निक्षेपमा १४ करोड रुपैयाँ लगानी गर्ने भएको छ ।
राष्टङ बैंकले आगामी २ चैतदेखि २०८१ सालको १ चैतसम्म मुद्दति निक्षेपमा लगानी गर्न लागेको हो ।
मुद्दति निक्षेप लिन चाहने बैंक तथा वित्तीय संस्थाले भोली १८ फागुनको साँझ ७ बजेभित्र आफूले लिन चाहेको रकम तथा सो रकमका लागि प्रस्ताव गरिएको ब्याजदर समेत खुलाएर आवेदन पेश गर्नुपर्नेछ ।
राष्ट्र बैंकले वाणिज्य बैंकमा ११ करोड २० लाख रुपैयाँ, विकास बैंकमा २ करोड १० करोड रुपैयाँ र राष्ट्रिय स्तरका वित्त कम्पनीहरुमा ७० लाख रुपैयाँ लगानी गर्ने जनाएको छ । आवेदन दिनका लागि बैंक तथा वित्तीय संस्थाको निष्कृर्य कर्जा कुल कर्जा सापटको ५ प्रतिशत भन्दा कम भएको हुनुपर्नेछ ।
तपाईको प्रतिक्रिया