१७ फागुन/अर्थ र व्यापार – ग्लोबल आइएमई बैंकले आफ्नो संस्थागत सामाजिक उत्तरदायित्वअन्तर्गत सातवटै प्रदेशमा वित्तीय साक्षरता कार्यक्रम संचालन गरेको छ।
बैंकले वित्तीय पहुँचबाट बाहिर रहेका विभिन्न लक्षित वर्ग पहिचान गरी विभिन्न ३५ शाखामार्फत एकसाथ वित्तीय साक्षरता कार्यक्रम संचालन गरेको हो।
विभिन्न जिल्लाका ३५ स्थानमा सञ्चालित कार्यक्रममा ४ हजारभन्दा बढी मानिसलाई बचत, कर्जा, रेमिट्यान्स, डिजिटल बैंकिङ, बीमा, लगानी, अतिरिक्त बैंकिङ सेवा, वित्तीय ठगी र वित्तीय अनुशासनसम्बन्धी विषयवस्तुमा जानकारी गराइएको सो बैंकले प्रेस विज्ञप्तिमार्फत जानकारी गराएको हो।
यस बैंकले भक्तपुरको मध्यपुर ठिमी, रसुवाको गोसाइकुण्ड गाँउपालिका, काठमाडौंको चन्द्रागिरी नगरपालिका र ललितपुर महानगरपालिकामा यस्तो कार्यक्रम गरेको थियो ।
यसैगरी, बाग्लुङको ढोरपाटन, जैमिनी र बाग्लुङ नगरपालिका, पर्वतको कुश्मा, पोखरा महानगरपालिका, कपिलवस्तुको कपिलवस्तु, बाणगंङ्गा र शिवराज, दाङको घोराही, गुल्मीको रेसुङ्गा र इस्मा, नवलपरासीको बर्दघाट, पाल्पाको तानसेन, प्युठानको प्युठान नगरपालिका, रोल्पाको परिवर्तन र सुनिलस्मृति गाँउपालिका, रुपन्देहीको सैनामैना, बुटवल र तिलोत्तमा पनि यस्तो कार्यक्रम गरिएको सो बैंकले जनाएको छ ।
त्यसैगरी, डोटीको दिपायल सिलगढी, बोगटान फुड्सिल र पूर्वीचौकी, बाजुरको बढिमालिका, बैतडीको दशरथचन्द र पाटन, डडेल्धुराको अजयमेरु, कञ्चनपुरको भिमदत्त र कैलालीको धनगढीमा पनि कार्यक्रम गरिएको सो बैंकले जनाएको छ । कार्यक्रममा कृषक, लघु, साना तथा मझौला उद्यमी, मजदूर, विद्यार्थी लगायत सहभागी थिए ।
तपाईको प्रतिक्रिया