१३ फागुन/अर्थ र व्यापार – सिटिजन्स बैंक इन्टरनेसनल लिमिटेडले रुपन्देहीको बसन्तपुर–८ बालापुरस्थित सत्य साई बृद्धाश्रमलाई सहयोग प्रदान गरेको छ । ज्येष्ठ नागरिकहरुलाई आश्रय दिइरहेको सो संस्थालाई विभिन्न दैनिक उपभोग्य खाद्यान्न लगायत अन्य सामग्रीहरु उपलब्ध गराएको सो बैंकले जनाएको छ ।
विभिन्न दाताबाट प्राप्त सहयोगबाट बृद्धाश्रम सञ्चालन भइरहेको छ । बैंकका प्रमुख कार्यकारी अधिकृत गणेशराज पोखरेलले सो सामग्रीहरु संस्थालाई हस्तान्तरण गरेका हुन् । सो क्रममा प्रमुख कार्यकारी अधिकृत पोखरेलले बृद्धाश्रममा आश्रित व्यक्तिहरुको जीविकोपार्जन तथा सहजीकरणका लागि सो सामग्रीहरु संस्थालाई हस्तान्तरण गरि मानवसेवामा समर्पित हुँदा हर्षित भएको बताए ।
संस्थागत सामाजिक उतरदायित्व कार्यक्रम अन्तर्गत सामाजिक, आर्थिक, सांस्कृतिक, शैक्षिक लगायत क्षेत्रमा सकारात्मक परिवर्तन ल्याउनका निम्ति विभिन्न कार्यक्रम सञ्चालन गर्दै आएको बैंकले आगामी दिनमा पनि यस्ता कार्यक्रम गर्ने योजना रहेको जनाएको छ।
बैंकले देशैभरी फैलिएका आफ्ना १९० वटा शाखा, १५२ वटा एटीएम र ९७ वटा शाखा रहित बैंकिङ इकाइहरुबाट १७ लाख २४ हजार ग्राहकवर्गलाई आधुनिक बैंकिङ सेवाहरु प्रदान गर्दै आएको जनाएको छ।
हाल ५५ जिल्लामा आफ्नो सेवा प्रदान गर्दै आएको बैंकले यसै आर्थिक वर्ष थप ५ शाखाहरु विस्तार गरेर आगामी दिनमा देशको ६० वटा जिल्लामा सेवा प्रदान गर्ने लक्ष्य राखेको छ ।
तपाईको प्रतिक्रिया