२ फागुन/अर्थ र व्यापार – महालक्ष्मी विकास बैंकले नयाँ वर्ष २०८१ लाई लक्षित गरी तीन वटा योजना ल्याएको छ। बैंकले महालक्ष्मी घर, महालक्ष्मी व्यावसायिक र महालक्ष्मी सवारी कर्जा योजना ल्याएको हो।
घर र व्यावसायिक कर्जा १०.९९ प्रतिशत तथा व्यक्तिगत सवारी कर्जा ११.४९ प्रतिशत ब्याज दरमा उपलब्ध गराइने सो बैंकले जनाएको छ । तीनवटै कर्जामा पहिलो १ वर्ष ब्याज दर स्थिर हुनेछ। यस्तै, महिलाको हकमा सेवा शुल्कमा २५ प्रतिशतसम्म छुट दिने बैंकले जनाएको छ।
यसैगरी, बैंकले आवश्यक कागजात प्राप्त भएको ३ कार्य दिनभित्र कर्जा प्रवाह गर्नेछ। योजनाअनुसार आवासीय÷व्यापारिक घर÷जग्गा खरिद गर्न, घर निर्माण गर्न, अर्पाटमेन्ट खरिद गर्न, घर थप÷पुर्ननिर्माण÷मर्मत सम्भार गर्न न्यूनतम २ वर्षदेखि अधिकतम ३० वर्ष अवधि रहने गरी ५ करोड रुपैयाँसम्म कर्जा प्रदान गरिनेछ।
सवारी कर्जाको न्यूनतम अवधि २ वर्ष र अधिकतम अवधि ५ वर्षसम्म रहनेछ। विद्युतीय सवारीको हकमा भ्याट बिल वा कोटेसन मूल्यको ८० प्रतिशत जुन कम हुन्छ सो बराबरको र अन्य सवारीमा कोटेसन मूल्यको ५० प्रतिशतसम्म कर्जा प्रदान गरिने सो बैंकले जनाएको छ ।