२९ माघ/अर्थ र व्यापार – कुमारी बैंक लिमिटेडको २३ औं वार्षिक साधारणसभा सम्पन्न भएको छ । काठमाडौमा सम्पन्न भएको बैंकको साधारणसभाबाट सामान्य प्रस्तावको रुपमा पेश गरिएको आर्थिक वर्ष २०७९/८० को सञ्चालक समितिको वार्षिक प्रतिवेदन, लेखा परीक्षण प्रतिवेदन सहित आव २०७९/८० असार मसान्तसम्मको वासलात, नाफा–नोक्सान हिसाब लगायतका वित्तीय विवरण पारित भएको छ ।
यसैगरी, सो साधारण सभाबाट आव २०८०/८१ को लागि वाह्य लेखापरीक्षक नियुक्ति तथा लेखापरिक्षकको पारिश्रमिक तोक्ने प्रस्ताव पारित भएको छ ।
यस साधारणसभामा भएको संचालक चुनावमा स्थापक सेयरधनी समूहबाट अमिरप्रताप जं.ब.राणा, कर्मचारी संचय कोषका प्रतिनिधि विजय कुमार श्रेष्ठ, पशुपति मुरारका तथा सर्वसाधारण सेयरधनी समूहको तर्फबाट महेशप्रसाद पोखरेल, राजाराम खड्का र सर्वसाधारण सेयरधनी समूह महिलातर्फबाट सिम्रन अग्रवाल निर्वाचित भएका छन् ।