२३ माघ/अर्थ र व्यापार – एभरेष्ट बैंक र धनगढी नेत्रालयबीच बैंकका ग्राहकलाई छुट प्रदान गर्ने सम्झौता भएको छ ।
बैंकका ग्राहकले नेत्रालयका विभिन्न सेवामा १० प्रतिशतसम्म छुट पाउने गरी सम्झौता भएको हो। बैंकका प्रमुख कार्यकारी अधिकृत सुदेश खालिङ र नेत्रालयका अध्यक्ष गजेन्द्र बहादुर चन्दको उपस्थितिमा बैंकका वरिष्ठ प्रबन्धक सतिश प्रताप सिंह र नेत्रालयका मेडिकल डाइरेक्टर डा.रविधर भण्डारीले सम्झौतामा हस्ताक्षर गरेका हुन्।
सम्झौतासँगै बैंकका ग्राहक, कर्मचारी र तिनका पारिवारका सदस्यले अस्पतालको ओपीडी, आईपीडी र चश्मा तथा फ्रेममा १० प्रतिशतसम्म छुट पाउनेछन्।
यसैगरी, फार्मेसी तथा सर्जरी सेवामा ५ प्रतिशतसम्म छुट पाउने सम्झौतामा उल्लेख छ।