१८ पुस/अर्थ र व्यापार – ग्लोबल आइएमई बैंक लिमिटेडले आफ्नो १७ औँ वार्षिकोत्सवको अवसरमा देशव्यापी रुपमा वृहत रक्तदान कार्यक्रम आयोजना गरेको जनाएको छ ।
ग्लोबल आइएमई बैंक मंगलबारदेखि स्थापनाको १७ वर्ष पुरा गरी १८ औँ वर्षमा प्रवेश गरेको हो । यही अवसरमा बैंकले मंगलबार देशका सातवटै प्रदेशमा एकैसाथ रक्तदान कार्यक्रम आयोजना गर्नुकासाथै निशुल्कआँखाजाँच, रक्तचाप तथा मधुमेह परिक्षण कार्यक्रम गरेको सो बैंकले जनाएको छ ।
यस कार्यक्रम अन्तर्गत, कोशी प्रदेशमा सुनसरीको इटहरीशाखा, मधेश प्रदेशमा सिरहाको गोलबजार शाखा, बाग्मती प्रदेशमा काठमाडौंको कान्तिपथ शाखा तथा चितवन नारायणगढ शाखा, गण्डकी प्रदेशमा कास्कीको पोखरा न्यूरोड शाखामा रत्तदान कार्यक्रम आयोजना गरेको थियो ।
यसैगरी, बैंकले लुम्बिनी प्रदेशमा रुपन्देहीको बुटवल मिलनचोक शाखा तथा दाङको नेपालगंज शाखा, कर्णाली प्रदेशमा सुर्खेतको विरेन्द्रनगर सुर्खेत शाखा र सुदूरपश्चिम प्रदेशमा कैलालीको धनगढी शाखामा रक्तदान कार्यक्रम आयोजना गरिएको थियो ।
देशभर आयोेजित कार्यक्रममा ९२७ रक्तदाताहरुबाट ४३९ लिटर रगत दानगरिएको सो बैंकले जनाएको छ । यसैगरी, निशुल्क रुपमा ७८३ जनाको आँखा जाँच गरिनुकासाथै १०४८ जनाको रक्तचाप तथा मधुमेहको परिक्षण एवं परामर्श पनि प्रदान गरिएको थियो ।
बैंकले संस्थागत सामाजिक उत्तरदायित्वलाई मध्यनजर गरी यस्ता समाजपयोगी कार्यहरु मार्फत आम जनमानसलाई प्रत्यक्ष रुपमा लावान्भित गर्दै आएको सो बैंकले जनाएको छ ।