८ मंसिर/अर्थ र व्यापार – एक्सेस टु अल मूल नारालाई आत्मसाथ गर्दै ग्राहकमैत्री एवं नवीनतम डिजिटल बंैकिङ सेवाप्रवाह गर्दै आइरहेको गरिमा विकास बैंकले बिहीबार आफ्नो स्थापनाकालको १६औं वर्ष पूरा गरी १७ औं वर्षमा प्रवेश गरेको छ । यस यात्रामा निरन्तर साथ दिने आफ्ना सेवाग्राही, सेयरधनी , नियमनकारी निकाय, कर्मचारी तथा शुभेच्छुकप्रति हार्दिक कृतज्ञता प्रकट गरेको सो बैंकले जनाएको छ ।
काठमाडौंको लाजिम्पाटमा केन्द्रीय कार्यालय रहेको गरिमा विकास बैंकले नेपालका विभिन्न सहरी तथा ग्रामीण जिल्लामा १२३ शाखा कार्यालय र ५१ एटीएमबाट सरल, सुरक्षित एवं गुणस्तरीय बैंकिङ सेवाप्रवाह गरिरहेको छ ।
हाल प्रकाशित चालू आर्थिक वर्षको पहिलो त्रैमाससम्मको अपरिष्कृत वित्तीय विवरणअनुसार यस बैंकले ८० अर्ब निक्षेप संकलन गरेको छ भने करिब ६८ अर्ब कर्जा लगानीमा रहेको जनाएको छ । करिब ८ लाख ग्राहकलाई सेवा पु¥याइरहेको यस बैंकले आफ्नो वासलात एवं अन्य प्रमुख वित्तीय सूचकमा निरन्तर उत्साहजनक तथ्य प्रस्तुत गरिरहेको बताएको छ ।

सो बैंकले आफ्नो १७औं वार्षिकोत्सवका अवसरमा देशको संघिय राजधानी काठमाडौंको पुतलीसडकमा १२३ औं शाखा विस्तार गरेको छ भने देशैभर एकैदिन १७ वटा संस्थागत सामाजिक उत्तरदायित्वका कार्यक्रम आयोजना गरेको जनाएको छ । वार्षिकोत्सवकै अवसरमा रक्तदान लगायत विविध कार्यक्रम गरिएको सो बैंकले जनाएको छ ।