२० कात्तिक/अर्थ र व्यापार – कामना सेवा विकास बैंकले आफ्नो वार्षिकोत्सवको अवसरमा आयोजना गरेको तेस्रो अन्तर बैंक तथा वित्तीय संस्था स्तरिय फुटसल कप प्रतियोगिता २०८० को उपाधी गरिमा विकास बैंकले जितेको छ ।
पुरुष तर्फको खेलको फाइनल खेलमा गरिमा विकास बैंकले माछापुच्छ्रे बैंकलाई २–१ ले हराउदै सो उपाधी जितेको हो ।
उपाधी जित्ने क्रममा गरिमा विकास बंैकले सेमिफाईनल खेलमा प्रभु बैंक लिमिटेडलाई पेनाल्टी सुटआउटमा ३–१ र फाईनल खेलमा बलियो प्रतिद्वन्द्वीमा माछापुच्छे बैंक लिमिटेडलाई २–१ गोल अन्तरले पराजित गरेको थियो ।
प्रतियोगितामा पुरुषतर्फ १२ वटा बैंक तथा वित्तीय संस्थाको सहभागिता रहेको थियो । विजेता तथा उपविजेता टिमलाई कामना सेवा बैंकको तर्फवाट ट्रफि, मेडल, प्रमाणपत्र सहित पुरस्कार प्रदान गरिएको थियो ।
प्रतियोगिताभर उत्कृष्ट प्रर्दशन गरेको गरिमा विकास बैंकका खेलाडि सौगात दिप सिंह उत्कृष्ट गोलकिपर र विशाल बानिँया उत्कृष्ट खेलाडि घोषित भएका थिए ।