२७ भदौ/अर्थ र व्यापार – माछापुच्छ्रे बैंकले लाभांशको विशेष प्रस्ताव सहित २५ औं वार्षिक साधारण सभा डाकेको छ । सभा आगामी १८ असोजमा पोखरामा हुने सो बैंकले जनाएको छ ।
बैंकले लाभांशबाटै चुक्ता पुँजी बढाउँदै छ । १ अर्ब ३६ करोड रुपैयाँले बैंकको चुक्ता पुँजी वृद्धि हुनेछ । अहिले १० अर्ब २५ करोड छ । गत आर्थिक वर्षका लागि बैंकले १४ प्रतिशत लाभांश दिने निर्णय गरेको हो । जसमध्ये १३.३० प्रतिशत बोनस सेयर हो ।
बोनस अनुमोदन हुँदा चुक्ता पुँजी वृद्धि हुनेछ । करका लागि ७.१८ करोड नगद पनि दिँदै छ। यस बाहेक सहायक ब्रोकर कम्पनी माछापुच्छ्रे सेक्युरिटज बारे पनि सभाले छलफल गर्नेछ। बाँकी नियमित प्रस्तावहरु सभामा लैजाँदैछ । बैंकले आगामी ८ असोजमा बुक क्लोज गर्ने जनाको छ ।
जसअनुसार आगामी ७ असोजसम्म बैंकको सेयर खरिद गर्ने सेयरधनीहरु मात्रै लाभांश पाउन र साधारण सभामा भाग लिन योग्य हुनेछन् ।