५ चैत/अर्थ र व्यापार – एभरेष्ट बैंकले अबदेखि इन्धन गाडी खरिद गर्न पनि सस्तो दरमा सजिलै सस्तो ऋण उपलब्ध गराउने भएको छ । जसका लागि शुक्रबार प्युजो र सिट्रोन गाडीको आधिकारिक बिक्रेता सांग्रिला मोटर्स र एभरेष्ट बैंकबिच इन्धन गाडी खरिद गर्ने ग्राहकलाई सस्तो दरमा ऋण उपलब्ध गराउने सम्झौता भएको छ ।
सो सम्झौता पत्रमा बैंकका उपमहाप्रबन्धक गौरव कुमार र सांग्रिला मोटर्स प्रालिका सहायक महाप्रबन्धक किरण श्रेष्ठले हस्ताक्षर गरेका हुन् ।
सम्झौता अनुसार अब प्युजो र सिट्रोनका गाडीहरु खरिद गर्ने ग्राहकलाई एभरेष्ट बैंकका सबै शाखाहरूबाट सुलभ ऋण सुविधाहरू सजिलै उपलब्ध हुने सो बैंकले जनाएको छ । बैंकको देशभर रहेका १२४ शाखाबाट नै कर्जा सुविधा ग्राहकले लिन सक्ने सो बैंकले जानकारि गराएको छ ।