logo

सिभिल बैंकको वार्षिकोत्सवमा विविध कार्यक्रम

    430   पटक पढिएको


११ मंसिर/अर्थ र व्यापार– सिभिल बैंकले १२औं वार्षिकोत्सवको अवसरमा देशैभर विविध कार्यक्रम आयोजना गरेको छ । नगदरहित कारोबारलाई प्रोत्साहन गर्ने उद्देश्यका साथ सफा टेम्पुको भाडा क्यूआर कोडबाट भुक्तानी गर्ने कार्यको थालनी गरी ‘गो क्यासलेस’ अभियानलाई निरन्तरता दिएको सो बैंकले जनाएको छ ।
जावलाखेलमा उद्घाटन गरिएको ‘गो क्यासलेस’ अभियान नेपालगन्ज, धनगढी, महेन्द्रनगर, जानकी र भजनीमा सञ्चालन गरिने बैंकले जनाएको छ । सो अभियानको उद्घाटन नेपाल राष्ट्र बैंकका गभर्नर महाप्रसाद अधिकारीले गरेका थिए ।
उनले नगदरहित अर्थतन्त्र आजको आवश्यकता भएको र यसले सिंगो राष्ट्रलाई समृद्धिको पथमा डो¥याउने बताए । नोट छपाई गर्दा हुने खर्च तथा विदेसिने मुद्रा बचाउन र सबै नेपालीको बैंक खाता भन्ने अभियानलाई समेत आत्मसात गर्न पनि नगदरहित अभियान अपरिहार्य हुने उनले बताए ।
बैंकले वार्षिकोत्सवको अवसरमा जावलाखेल शाखामा प्रायोरिटी बैंकिङ सेवा पनि सुरुवात गरेको छ । सो सेवाको सुरुवात बैंकका सञ्चालक समितिका अध्यक्ष प्रतापजंग पाण्डे र बैंकका निक्षेपकर्ता धनञ्जय आचार्यले संयुक्त रूपमा गरेका थिए ।
सोही वार्षिकोत्सवको अवसरमा बैंकले पाँचथरको यांवरक शाखामा एटीएम सेवा प्रारम्भ गरेको छ । यसैगरी, सिभिल बैंकले संस्थागत सामाजिक उत्तरदायित्वअन्तरर्गत देशभर छरिएका बैंकका मुख्य शाखासहित ३६ स्थानका ५९ शाखाहरुको सहभागितामा रक्तदान कार्यक्रमको आयोजना गरेको थियो । जसबाट कुल ९८४ पिन्ट रगत संकलन भएको बैंकले जनाएको छ ।
यसैगरी, बैंकले ५७ स्थानका शाखामार्फत विपन्न तथा जेहनदार छात्रालाई छात्रवृत्ति स्वरुप नगद प्रदान गरेको थियो । बैंकले आफ्नो विभिन्न शाखामार्फत विभिन्न उमेर समूहका व्यक्तिलाई बैंकिङ तथा वित्तीय ज्ञानसम्बन्धी वित्तीय साक्षरता कार्यक्रम सञ्चालन गरेको सो बैंकले जनाएको छ ।
त्यसैगरी, नेपाल बालसंगठनमा आश्रित करिब ३५० जना बालबालिकाका लागि स्टेसनरी सामग्री खरिद गर्न ५० हजार आर्थिक सहयोग गरेको थियो । भने सुनसरीको धरानमा रहेको निसहाय सहयोग परिषद्को तालिम भवन निर्माण गर्न ५० हजार आर्थिक सहयोग पनि उपलब्ध गराएको थियो । यसैगरी, सो बैंकले महावीर पुनद्वारा स्थापित राष्ट्रिय आविस्कार केन्द्रको उच्च प्रविधि क्लासरुम परियोजनाका लागि ५० हजार आर्थिक सहयोग गरेको छ ।
त्यसैगरी, अपांगता संरक्षण नेपाललाई दृष्टिविहीन व्यक्तिका लागि सयवटा सेतो छडी खरिद गर्न ९५ हजार आर्थिक सहयोग गरेको र कास्कीस्थित बेगनाश तालको डुंगा व्यवसायीलाई डुंगाको सवारी गर्नेहरूको सुरक्षाका लागि सय थान लाइफ ज्याकेट समेत हस्तान्तरण गरेको सो बैंकले जनाएको छ ।

तपाईको प्रतिक्रिया

सम्बन्धित शीर्षकहरु

मुख्य खबर

यूएनडीपीको निष्कर्ष: धनीका कारण गरिब देश झन पछाडि परे, मानव विकास सूचकांकमा नेपालको स्थिति मध्यम

धनी देशले मानव विकास लक्ष्य हासिल गर्दागर्दै गरिब देश झनै पछाडि परेको निष्कर्ष संयुक्त राष्ट्र संघीय विकास कार्यक्रम (यूएनडीपी) ले निकालेको छ ।

ललिता निवास क्षेत्र खाली गर्न काठमाडौं महानगरले दियो ७ दिने म्याद

काठमाडौं महानगरपालिकाले कामनपा वडा नं. ४ मा रहेको बालुवाटारस्थित ललिता निवास क्षेत्रबाट आफैँ हट्न व्यक्ति, कम्पनी र संघसंस्थाहरुलाई अनुरोध गरेको छ ।

ल्याण्डमार्क होटल्स एण्ड रिसोर्टको भैरहवामा नयाँ होटल सञ्चालनमा, भारतिय र श्रीलंकाका पर्यटकहरुलाई आकर्षित गर्ने योजना

ल्याण्डमार्क होटल्स एण्ड रिसोर्टले भैरहवामा होटल ल्याण्डमार्क भैरहवा सञ्चालनमा ल्याएको छ । ल्याण्डमार्क होटल्स एण्ड रिसोर्टले यसअघिदेखि नै पोखरा, चितवन र काठमाडौँमा ल्याण्डमार्क होटल

भ्रष्टाचारको छानबिनमा आयोगलाई सरकारको पूर्ण सहयोग रहन्छ: प्रधानमन्त्री

प्रधानमन्त्री पुष्पकमल दाहालले भ्रष्टाचारजन्य घटना छानबिन र अनुसन्धानमा अख्तियार दुरुपयोग अनुसन्धान आयोगलाई सरकारको पूर्ण समर्थन र सहयोग रहने बताएका छन् ।

मनोरञ्जन

१० करोड रुपैयाँ लगानीको दीपक र दीपाको सिनेमा हल संचालनमा

कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।

पाण्डेको ‘सहायक श्रीमान’लाई अमेरिकामा उत्कृष्ट अन्तर्राष्ट्रिय डकुमेन्ट्री अवार्ड

नेपालका कतिपय हिमाली क्षेत्रमा विद्यमान बहुपति प्रथाका बारेमा निर्मित वृत्तचित्र ‘सहायक श्रीमान’ (को–हजबेन्ड)ले आठौं कब इन्टरनेसनल फिल्म फेस्टिवलमा उत्कृष्ट उपाधि जितेको छ ।

बल्कबष्टर नेपाली फिल्म अवार्ड सम्पन्न, सम्पादक बगालेसहित विभिन्न व्यक्तित्व सम्मानित

विगत १६ वर्षदेखि निरन्तर रूपमा आयोजना हुँदै आएको ब्लकबस्टर नेपाली फिल्म अवार्ड २०७८ भव्य रूपमा सम्पन्न भएको छ ।