२७ कात्तिक/अर्थ र व्यापार – ग्लोबल आइएमई बैंक र बैंक अफ काठमाण्डू समान हैसियत अर्थात् १ः१ स्वाप रेसियोमा गाभिने भएका छन् ।
मर्जरमा जाने निर्णय गरेका दुबै बैंकको सम्पत्ति, दायित्व तथा कारोबारको मूल्याङ्कन र अन्य विविध पक्षको विश्लेषणका आधारमा समान हैसियत रहने भएको हो ।
यो सम्झौतापछि पनि बैंक अफ काठमाण्डुमा एकसय कित्ता सेयर हुनेले मर्जरपछि पनि एकसय कित्ता नै सेयर पाउने सो कम्पनीका सचिव दीपक गौतमले जानकारी दिए ।
सञ्चालक समितिले गरेको यस्तो निर्णय नेपाल धितोपत्र बोर्ड र नेपाल स्टक एक्सचेञ्ज लिमिटेडलाई समेत जानकारी गराएको छ । दुबै बैंकले गत २ असारमा मर्जरमा जानका लागि सम्झौता गरेका थिए । मर्जरपछि कुल चुक्तापुँजी ३४ अर्ब ४१ करोड ९७ लाख ४७ हजार ६०० पुग्नेछ ।