४ कात्तिक/अर्थ र व्यापार– असोज अन्तिममा वाणिज्य बैंकहरुको निक्षेप संकलन र कर्जा लगानी ह्वात्तै बढेको छ ।
बैंकर्स संघका अनुसार असोज अन्तिम तिन दिनमा वाणिज्य बैंकमा निक्षेप २८ अर्बले बढेको छ भने कर्जा प्रवाह २७ अर्ब ७ करोड रुपैयाँले बढेको छ ।
संघका अनुसार २८ असोजसम्म वाणिज्य बैंकहरुले ४५ खर्ब १९ अर्ब निक्षेप संकलन गरेका थिए । ३१असोजसम्म पुग्दा निक्षेप संकलन २७ अर्ब ९९ करोड रुपैयाँले बढाएर ४५ अर्ब ४७ अर्ब पु¥याएका छन् ।
यो अवधिमा बैंकको निक्षेप मात्रै नबढेर कर्जा प्रवाह पनि उत्साहप्रद नै देखिएको छ । लामो समयपछि बैंकहरुबाट जाने कर्जामा यस्तो उत्साह देखिएको हो । तरलता अभावकै समयमा पनि बैंकहरुले कर्जा प्रवाहमा जोड दिएका छन् ।
संघका अनुसार २८ असोजसम्म ४१ खर्ब ९३ अर्ब रुपैयाँ कर्जा प्रवाह भएकामा ३ दिनको अवधिमा २७ अर्ब ७ करोड रुपैयाँले बढेर कर्जा प्रवाह ४२ खर्ब २० अर्ब रुपैयाँ पुगेको छ ।
संघका अनुसार ३१ असोजसम्म कर्जा–निक्षेप अनुपात (सिडी रेसियो) ८७.२० प्रतिशत रहेको छ ।