२२ जेठ /अर्थ र व्यापार – ग्लोबल आईएमई बैंक लिमिटेडले शनिबार चितवनमा वित्तीय साक्षरता प्रवद्र्धनका लागि ¥याली (वकाथोन) कार्यक्रम आयोजना गरेको छ । शनिबार चितवनको नारायणगढ बजारको पुल्चोकदेखि भरतपुर हाइटसम्म आयोजना गरिएको सो ¥यालीमा सहभागीले वित्तीय साक्षरतामूलक नारा लेखिएका ब्यानर र प्लेकार्ड लिएका थिए ।
सो ¥यालीमा बैंकका अध्यक्ष एवं नेपाल उद्योग वाणिज्य महासंघका वरिष्ठ उपाध्यक्ष चन्द्रप्रसाद ढकाल, बैंक सञ्चालक समितिका सदस्य, उच्च व्यवस्थापन तथा कर्मचारी गरी करिब ५ सय जनाको उपस्थिति रहेको थियो । ग्लोबल आईएमई बैंकले सबै क्षेत्र र वर्गसम्म बैंकिङ सेवाको पहुँच पु¥याउने उद्देश्यले ७६ जिल्लामा बैंकको २ सय ८८ शाखा, २ सय ६० एटीएम, २ सय ७५ शाखारहित बैंकिङ सेवा, ५१ एक्सटेन्सन तथा राजस्व संकलन काउन्टर तथा ३ वटा वैदेशिक प्रतिनिधि कार्यालयसमेत गरी करिब ८ सय ७५ सेवा केन्द्रबाट २८ लाखभन्दा बढी ग्राहकलाई सेवा प्रदान गरिरहेको जनाएको छ ।
यसैगरी, बैंकले संयुक्त राज्य अमेरिका, संयुक्त अधिराज्य, क्यानडा, अस्ट्रेलिया, मलेसिया, दक्षिण कोरिया, जापान, साउदी अरेबिया, कतार, यूएई, बहराइन, कुवेत, भारत, जोर्डन, हङकङलगायतका मुलुकबाट रेमिट्यान्स भित्राउँदै देशको अर्थव्यवस्थामा महत्वपूर्ण योगदान पु¥याउँदै आइरहेको जनाएको छ ।
यसैबीच सो बैंकले ३० करोड रुपैयाँ लागतमा अत्याधुनिक भवन निर्माण सुरु गरेको छ । चितवनको भरतपुर–१० स्थित भरतपुर हाइटमा निर्माण गर्न लागिएको सो भवनको शनिबार बैंकका अध्यक्ष एवं नेपाल उद्योग वाणिज्य महासंघका वरिष्ठ उपाध्यक्ष ढकालले शिलान्यास गरेका हुन् ।
यस नयाँ बैंक भवन दुई वर्षभित्र निर्माण सम्पन्न गरिने बताइएको छ । चितवनलाई देशकै आर्थिक केन्द्र बनाउने उद्देश्यले भरतपुरमा बैंकको आफ्नै भवन निर्माण सुरु गरिएको अध्यक्ष ढकालले जानकारी दिए । यसैगरी, उनले देशकै केन्द्रीय भागमा रहेको चितवनमा आर्थिक क्रियाकलाप वृद्धि हुँदै गएको सन्दर्भमा यस क्षेत्रको विकासका लागि आफूले सक्दो काम गर्ने बताए ।
तीन कठ्ठा १० धुर क्षेत्रफलमा बन्ने भवन ३० हजार ६ सय वर्गफुटमा फैलिनेछ । दुई तला अन्डरग्राउन्ड र पाँच तलामाथि रहनेगरी यस भवनको संरचना निर्माण हुने सो बैंकले जनाएको छ । यस भवनको अन्डरग्राउन्डमा पार्किङ हुनेछ ।