५ बैशाख /अर्थ र व्यापार –निलम्बनमा परेका नेपाल राष्ट्र बैंकका गभर्नर महाप्रसाद अधिकारीको पक्षमा राष्ट्र बैंकका कर्मचारीहरुले  केन्द्रीय कार्यालय परिसरमा कोण सभा गरेका छन् ।
राष्ट्र बैंक जस्ता स्वायत्त संस्थामाथि सरकारले ठाडो हस्तक्षेप गरेको भन्दै उनीहरुले गभर्नर अधिकारीको निलम्बन फुकुवा गर्न माग गर्दै सरकार विरुद्ध कालो ब्यानर सहित कोण सभा गरेको थियो ।
सरकारको यस्तो निणर्य विरुद्ध अहिले राष्ट्र बैंक कर्मचारी संघमा आवद्ध कर्मचारीहरु आन्दोलित भएका हुन । आइतबार दिउँसो राष्ट्र बैंकको केन्द्रीय कार्यालय बालुवाटारको मूल गेटमा कालो ब्यानर झुन्ड्याएर उनीहरुले सरकारी कदमको विरोध जनाएका थिए ।
राष्ट्र बैंक कर्मचारी संघले कोणसभा गरेर गभर्नरमाथिको कारबाहीलाई स्वायत्त संस्थामाथिको गैरकानुनी हस्तक्षेपको संज्ञा दिएको बताएको छ । हाल गभर्नरमाथि लागेको निराधार आरोप फिर्ता गर्न र संकट उन्मुख अर्थतन्त्रको उद्धारका लागि पनि सरकारले विशेष नीति तर्जुमा गर्ने वातावरण बनाउन भन्दै कर्मचारीले यस्तो कार्यक्रम गरेको सो संघले जनाएको छ ।